InfoHub Logo

Oqýymen ozat shyǵyp, darynymen daralanǵan ondaı jastar Oral qalasynda da az emes. Solardyń biri – Nazarbaev zıatkerlik mektebiniń túlegi Alına Moldaǵalıeva. Atalǵan oqý ornynda 7-synyptan beri oqıtyn talapty shákirt buǵan deıin túrli halyqaralyq baıqaýlar men jobalarda baq synapty. Ásirese muhıttyń arǵy jaǵyndaǵy Pensılvanıa shtatynda ótken hımıa kýrsynda kóptegen tyń bilim daǵdylaryn ıgergenin aıtady. Endi, mine, hımıalyq ınjenerıa mamandyǵyn tańdaǵan boıjetken sheteldik 11 joǵary oqý ornynyń grantyn jeńip alypty. «Maqsatym – qalaǵan mamandyq ıesi bolyp, Otanyma oralyp, elime qyzmet etý», – deıdi ol.

Alına Moldaǵalıeva, Nazarbaev zıatkerlik mektebiniń túlegi:

– Gonkongtyń 2 jáne Amerıkanyń 9 joǵary oqý orny shaqyryp tur meni. Solardyń arasynan Pensılvanıa shtatynda ornalasqan Dreksel ýnıversıtetin tańdadym. Óıtkeni ol jaqta ekinshi kýrstan bastap jarty jyldap tájirıbeden ótedi. Sóıtip bitirgen kezde túrli kompanıalarǵa óz rezúmeńdi uıalmaı usynarlyqtaı múmkindik bolady. Maqsatym – Qazaqstanǵa oralyp, el úshin eńbek etý.