InfoHub Logo

Jaqynda BUU sońǵy úsh jyldaǵy baqylaýlaryna súıene otyryp, baqytty elderdiń jetinshi tizimin jarıalady. Zertteý tehnologıalardyń damýy, áleýmettik tólemder, JİÓ, densaýlyq saqtaý salasyndaǵy qaqtyǵystar jáne úkimettiń saıasaty sıaqty adamdarǵa áser etetin kórsetkishterge baǵyttalǵan. Qaı elder birinshi ondyqqa kiredi?

Fınlándıa (1 oryn)

Fınlándıa birinshi orynda. Sarapshylardyń pikirinshe, jemqorlyqtyń tómen deńgeıi, JİÓ-niń joǵary deńgeıi, erkindik sezimi, sondaı-aq eldiń ásem tabıǵaty fınderdi eń baqytty adamdar etedi.

Danıa (2 oryn)

Sizder qazirgi sándi «húgge» — Danıadan shyqqan ómirge degen erekshe kózqaras týraly estigen bolarsyzdar. Sonymen qatar, Danıa azamattarynyń ál-aýqatynyń deńgeıindegi aıyrmashylyq óte az, olardyń barlyǵy birdeı aqsha tabady.

Norvegıa (3 oryn)

Tizimdegi taǵy bir soltústik el eń baı elderdiń biri bolyp sanalady. Sonymen qatar, Norvegıa álemdegi eń joǵary ál-aýqat ındeksine ıe.

Islandıa (4 oryn)

Memleket óziniń áleýmettik saıasatynda halyqtyń barlyq toptary úshin teń múmkindikterge basa nazar aýdarady. Azamattar aqysyz medısınalyq qyzmetpen qamtamasyz etilgen, tómen salyqtar jáne joǵary bilimmen qamtamasyz etilgen.

Nıderlandy (5 oryn)

Nıderlandyqtar ózderine jáne ómirge degen qarapaıym kózqarasymen tanymal jáne búkil el bostandyq rýhymen erekshelenedi. Mundaǵy adamdar óz ómirlerine rıza jáne jıi kúlýge ábden úırengen.

Shveısarıa (6 oryn)

Shveısarıa reıtıńte óz pozısıasynan birshama aıyryldy, biraq únemi shetelden ınvestısıalardy tartatyn damyp kele jatqan ekonomıkanyń arqasynda alǵashqy ondyqqa kiredi.

Shvesıa (7 oryn)

Shvesıada ómir súrý uzaqtyǵy óte joǵary, memlekettik jáne áleýmettik ınstıtýttar óte jaqsy jumys isteıdi, sonyń arqasynda Shvesıa aldyńǵy reıtıńke qaraǵanda eki satyǵa joǵarylady.

Jańa Zelandıa (8 oryn)

Jasyl Jańa Zelandıany óz halqy óte unatady. Munda demalýǵa barlyq jaǵdaı bar jáne demalatyn jerlerde qyzmet kórsetýi jaqsy deńgeıge ıe bul faktorlar adamdardyń kóńil-kúıiniń kóterińki bolýyna sep.

Kanada (9 oryn)

Kanada óziniń ómir deńgeıi men turaqtylyǵymen tanymal, al kanadalyqtar ózderi ómirdi ońaı basqarady jáne óz Otanyn óte jaqsy kóredi.

Avstrıa (10 oryn)

Avstrıa óz azamattaryn áleýmettik qoldaýǵa basa nazar aýdarady. Olardyń Vena týraly «álemdegi eń rýhty qalalardyń biri» dep aıtqany tańqalarlyq emes.

Kerimsal Jubatqanov tarıh ǵylymdarynyń kandıdaty

Oqýǵa keńes beremiz:

Halqy eń tyǵyz shoǵyrlanǵan álemniń 15 qalasy

Álemdegi sýretke jıi túsiriletin 25 qala

---