InfoHub Logo

Balalyq ótti bildiń be,

Qarttyq jasqa keldiń de,- dep Abaı ókinish bildirgen baldaı tátti balalyq shaq deseńshi!?Qanbaǵan oıyn, tarqamaǵan qumarlyq alańsyz erkelik... aıta bersem taýsylar emes. Biz - álem balalarymyz. Álemde qansha halyq bar, sonsha halyqtyń  urpaǵy- balalary ǵoı. Bári-bárinde baqytty balalyq pa, oılanyp kóreıikshi... Men beıbit elde baqytty ómir súrip óz qalaýymmen bilim alyp, ata-anamnyń qamqorlyǵyna bólenýdemin. Ne ishem, ne kıem degen qajettilik joq.  Men- sondaı baqytty balamyn. Sanam- sergek, oıym- ushqyr, jan jaǵym- aman. Buǵan artyq ne kerek maǵan?!

Teledıdardy qosyp, shetel habarlaryn tyńdasam nemese gazet aqtaryp oqyp otyrsam, neshe túrli oqıǵalardy oqyp ,jaǵamdy ustaımyn. Sonyń kóbi- balalar desem de bolady. Óıtkeni meni ózim quralpy balalar ómiri, taǵdyry qyzyqtyrady ǵoı. Quldyqta ustalǵan balalar, zorlyq- zombylyqqa ushyraǵan sábıler, zıandy áreketke boı aldyrǵan balalar, tipti panasyz qanǵybastar qanshama? Olardy kórgende, qatty qınalamyn. Sábılik kúlki alańsyz baqytty balalyq shaq qaıda qaldy dep?..

Álemniń barlyq balalarynyń tilegi- beıbitshilik. Qatygez jandar oǵan da qaıaý saldy. Jazyqsyz zardap shegip, ata-analarynan aıyrylǵandaryn estigende, kókiregiń  qars aıyrylady.Anaý Beslan oqıǵasy, ushaq apatynyń qurbandary, qandy qaqtyǵys arasynda qurban bolǵandardy aıtpaı ketýge bolmas.

 Men - álemdegi eń baqytty balamyn. Ózim sıaqty balalarǵa da baqyt tileımin. Aspan ashyq, ata-anamyz aman, elimiz beıbit ómir súrse eken deımin.

Biz- baqytty jańa ǵasyr ulany.

Biz bolamyz bolashaqtyń qyrany.

Árqashan da ashyq bolsa aspanym,

Oılanaıyq, erteńgi eldiń bastaýyn.

Men ózimdi álemdegi eń baqytty balalardyń birimin dep sanaımyn. Ózime ne tilesem, ata-anama, dostaryma, álem balalaryna da sony tileımin. Ǵasyr derti- nashaqorlyq, tajal oǵy- ıadrolyq qarý, qantógister bizdi, álem balalaryn aınalyp ótse eken deımin.

Nashaqorlyq jasaryp barady deıdi, odan da jasara beredi , eger úlkender osy qasiret jolyna tosqaýyl qoımasa?! Meniń sábı júregim sumdyqtan taza bolǵanyn qalaıdy.Jer júziniń barlyq balalarynyń ortaq armany júzege assa eken deımin. Qazaq eliniń kógin jarqyratar aıbyndy ulan bolsam, el tutqasyn ustar azamat atansam degen bala qıal meniń qurbylarymnyń kókireginde arman bop uıalap jatqany anyq.Men soǵan senemin.

Nurǵabylova Gúldana
Mańǵystaý oblysy Túpqaraǵan aýdany
Jalaý Myńbaev atyndaǵy mektep-gımnazıasynyń
10- synyp oqýshysy
Jetekshisi-Tóleýova Anar Qarajigitqyzy

---