InfoHub Logo

Ál-Farabı atyndaǵy Qazaq ulttyq ýnıversıteti Qazaqstannyń eń iri, beldi joǵarǵy oqy oryndarynyń biri. Ol óziniń mol tarıhymen, bilimimen, oqytýshy quramymen, bilim alýshylarymen árdaıym erekshe. Oǵan qosa ýnıversıtetimiz bilim salasynda da, ǵylymı jumystarda da tájirıbesi mol birden-bir joǵary oqý orny bolyp tabylady. Óziniń tarıhyn alǵash 1934 jyly 15 qańtar kúni KSRO Halyq Komısarlary Keńesiniń jáne BK(b)P Qazaq ólkelik komıtetiniń sheshimimen pedagogıkalyq ınstıtýt negizinde Qazaq memlekettik ýnıversıteti retinde bastaǵan ǵylym ordasy, búginde myńdaǵan stýdentterdiń basyn qosyp, bilimmen qarýlandyrýda. Búginde bul joǵary oqý ornynyń tabaldyryǵyn attaý árbir jas talapkerdiń armany.

Ál-Farabı atyndaǵy QazUÝ-de árbir jas ǵalymǵa, izdenýshige keń múmkinshilikter jasalǵan. Onyń ústine ýnıversıtetimizdiń kitaphanasy kitap qoryna baı jáne oqýlyqtardyń eloktrondy úlgisine qol jetkizý múmkinshiligi jasalǵan. Stýdentterdiń qyzyǵýshylyǵyn arttyrý maqsatynda da únemi túrli konferensıalar uıymdastyrylyp otyrady. Osyǵan deıin Tarıh, arhelogıa jáne etnologıa fakúltetiniń uıymdastyrýymen «Ál-Farabı – órkenıetter fılosofy» taqyryby aıasynda onlaın konferensıa, «Batys Eýropa kitaphanalary: tarıhy jáne qazirgi jaǵdaıy» taqyrybynda onlaın konferensıa uıymdastyrylǵan bolatyn.  Bul konferensıa barysynda Kembrıdj ýnıversıtetiniń túlegi, Aberdın ýnıversıtetiniń  profesessory, PhD doktory Pıter Djordj ben  kezdesý uıymdastyryldy.

2021 jyly 29 qańtarda Ál-Farabı atyndaǵy Qazaq ulttyq ýnıversıteti, Tarıh, arheologıa jáne etnologıa fakúltetiniń  Qazaqstan tarıhy kafedrasy tarıh ǵylymdarynyń doktory, profesor Dına Isabaevna Dýlatovanyń týǵanyna 90 jyl tolýyna oraı «Otandyq tarıh ǵylymynyń ózekti máseleleri» atty onlaın formatta respýblıkalyq ǵylymı-tájirıbelik konferensıa ótkizedi. Bul konferensıanyń basty maqsaty – Dına Isabaıqyzynyń otandyq tarıh ǵylymy men tarıhnamasynyń damýyna qosqan úlesin jáne qazirgi kezeńdegi otandyq tarıh ǵylymynyń ózekti máselelerin talqylaý bolyp tabylady.

 Aldaǵy ýaqytta dál osyndaı túrli is-sharalar otandyq qana emes, shet eldik tarıh ǵylymdarynyń profesorlarymen pikir almasý, oı bólisý túrli máselelerdi basqa qyrynan tanýǵa, otandyq tarıh ǵylym salasyndaǵy túrli máselerdi sheshýde septigin tıgizip qana qoımaı, stýdentterdiń de qyzyǵýshylyǵyn arttyratyny anyq.

Ýnıversıtetimizdiń oqytýshy quramy, túlekteri, stýdentteri ózderiniń bilimge degen qushtarlyǵyn eshqashan joǵaltqan emes. Kerisinshe únemi izdenis ústinde. Jyl saıyn árbir magıstrant pen doktoranttar tarıhymyzdyń áli zertteýdi qajet etetin qanshama taqyryptaryn qolǵa alyp, zerttep, túrli basylymdarda, shet eldik jýrnaldar men saıttarda maqala jarıalap ǵylymǵa óz úlesin qosýda. Óziniń kópjyldyq osyndaı qajyrly eńbeginiń arqasynda ál-Farabı atyndaǵy Qazaq ulttyq ýnıversıteti álemniń úzdik joǵary oqý oryndarynyń arasyndaǵy 165-oryndy  ıelenip otyr. Osyndaı sarynda jumys atqaryp otyrǵan ál-Farabı atyndaǵy Qazaq ulttyq ýnıversıteti keler jyldary budan da joǵary belesterdi baǵyndyratyny anyq.

T.ǵ.d., Dúnıejúzi tarıhy, tarıhnama jáne

derektaný kafedrasynyń profesory Jarkynbaeva R.S.

Dúnıejúzi tarıhy, tarıhnama jáne

derektaný kafedrasynyń 1 kýrs magıstranty Bekjanova N.N.

---