InfoHub Logo

Qazirgi tańda qatty damyp ketken jaıttardyń biri, ol- áleýmettik jeli. Kúndelikti ómirdiń jartysyn, keıde odan da kóp bóligin alyp ketip jatady. Besiktegi balaǵa da, eńkeıgen kárimizge de áleýmettik jeli qyzyq. Beıne bir ómirdiń máni sekildi. Al biz bul áleýmettik jeli arqyly qansha ýaqytymyzdy zaıa ketirip jatyrmyz.Tipti eshbir bala dalaǵa shyǵyp bir- birimen oınamaıdy, úlkenderimiz nemerelerine ertegi aıtýdan qaldy. Al oqýshylar men stýdentter kóp kitap oqýdyń ornyna osy áleýmettik jelide bos ýaqyttaryn ótkizedi. Adam árbir mınýtyn baǵalaý kerek. Ómirdi bos áleýmettik jelige únilýmen ótkizbeý kerek. Ózine kerekti, paıdaly ispen aınalysý kerek. Sebebi «Ýaqyttyń bos ótkeni - ómirdiń bos ketkeni». Sondyqtan adam árbir ýaqytyn tıimdi jumsaý kerek.

Adamdar áleýmettik jelige ne úshin kiredi? Barlyǵy nege táýeldi? - degen suraqtar týyndaıdy. Qazirgi kezde áleýmettik jelilerdiń damyǵany sonshalyq túrli saıttar paıda bolyp jatyr. Olardyń ishinde kóp adamdar qoldanatyny: Instagram, Vkontakte, Facebook, You Tube, Odnoklasnıkı jáne basqalary. Bul programmalar nesimen qyzyq? Birinshiden, juldyzdar men tanymal tulǵalardyń ómirine qarap, jastarda tanymaldylyqqa qyzyǵýshylyq paıda bolady. Tanymal bolamyz dep ártúrli nárseler jasaıdy. Ekinshiden, paraqshalarda jas ereksheligi kórsetilmegendikten, keıbir beınefılmder balanyń psıhıkasyna keri áserin tıgizedi, mysaly, bireýdi uryp- soǵyp jatqan, janýarlardy qınap, mazaq etip túsirilgen beınefılmder jastardy qatigezdikke baýlıdy. Úshinshiden, azannan keshke deıin uıaly telefonda nemese kompúterde otyra berý kóz qyzmetiniń buzylýyna alyp keledi.Tórtinshiden, áleýmettik jeli adamdy belsendi emes tutynýshyǵa, ıaǵnı adamdy jalqaý tulǵaǵa aınaldyrady.   

Árıne, áleýmettik jelini adamdar ártúrli maqsatta paıdalanady, onyń ishinde jańa nárselerdi jasap, sony jurtqa usynýǵa da múmkindik bar. Biraq kóp adamdar jańa nárse jasaǵannan, usynylyp jatqan aqparattardy tutynǵandy jón sanaıdy.  

Taıaqtyń eki ushy bolatyn sıaqty, áleýmettik jeliniń de paıdasy az emes. Áleýmettik jelini durys qoldanyp júrgender de bar. Áleýmettik jeli kómegimen bireý óz bıznesin júrgizip jatsa, bireý qaıyrymdylyq jumystaryn ótkizip jatyr, endi bireýi óziniń oqyp, kórip, bilgen-túıgenin jurtpen bólisip jatyr. Buryn tanymaıtyn, bilmeıtin adamdarmen aralasyp, pikir almasýǵa jáne óz pikirlesterińdi tabýǵa kómektesedi. Áleýmettik jeli arqyly sońǵy jańalyqtar men oqıǵalardan árdaıym habardar bolyp otyrasyń. Oǵan qosa áleýmettik jeli arqyly túrli kóńil kóteretin mýzykalar men ánder, fılmder men kitaptar, leksıalar men maqalalardy da qalaǵanyńsha taýyp oqýǵa bolady.

Endi áleýmettik jelige kirer aldynda siz qandaı maqsatpen kirip jatqanyńyzdy oılanyńyz?! Altyn ýaqytyńyzdy bos ketirmeı, jaqyndaryńyzǵa, dostaryńyzǵa arnańyz.

«Bógetsaı mektep-gımnazıasy» KMM
9-synyp oqýshysy Amanıazova Meırim
Jetekshisi: Mahanalına Bagdagýl Razakbergenovna

---