InfoHub Logo

Jylyna bir ret bolsyn adamdardyń bir-birine raqmet aıtýy rýhanı jaǵynan jan dúnıeni jandandyrady. Kóktemniń alǵashqy kúni ótetin mereke jylýlyq pen qatar júzdegen ulttar arasyndaǵy ystyq yqylasty sezindiredi. Alǵys aıtý kúni elimizde 2016 jyldan beri atalyp ótýde. 2016 jyly 14 qańtarda Qazaqstan Respýblıkasynyń Tuńǵysh Elbasy N.Á.Nazarbaevtyń Qazaqstan halqy Assambleıasynyń qurylǵan kúni 1 naýryzda elimizde «Alǵys aıtý kúni» dep jarıalap, № 173 jarlyqqa qol qoıǵan bolatyn. Elbasymyzdyń bul sheshimi el úshin, eldiń ıgiligi men ishki tatýlyǵy úshin áleýmettik qozǵaýshy kúsh.

Áýeli, alǵys degenimiz adamdar arasyndaǵy syılastyq pen qatar senimdilikti uıalatady.Bizdiń elimizde birshama etnostar ómir súretin bolǵan soń, taptyrmas meıram.Taǵdyr tálkegimen týǵan jerlerinen bizdiń elge qońys aýdarǵandar óz rızashylyqtaryn qazaqstandyqtarǵa bildirip jatady. Árıne,osy rızashylyq ulttar arasyndaǵy birlikti nyǵaıtady. Aıtýly alǵys aıtý kúni bizdiń aramyzda óte joǵary deńgeıde atalyp ótiledi.Olar qıyn qystaý zamandaǵy qazaqstandyqtardyń olarǵa degen qonaqjaılylyǵyn eshqashanda umytpaıtyndyǵyn aıtady. Bul olardyń bizdiń elge degen tereń taǵzymynyń belgisi.

Ár adam balasy óziń qorshaǵan ortasyna,oǵan degen jyly qarym-qatynasyna, túsinistik pen syılastyǵyna óz lebizin bildirý kerek.Óz alǵysymyzdy biz Táýelsiz Qazaqstan úshin aıanbaı ter tókken tulǵalarǵa, eli úshin ,jeri úshin qasyq qanyn berýge ázir jandarǵa aıtý kerek dep oılaımyn. Bolashaq Qazaqstan osyndaı qarqynmen birligin saqtasa, alynbas memleket bolatyndyǵymyzǵa senimim mol.

Avtory: Jarylkapova D.S.

Qazaqstan tarıhy kafedrasynyń dosenti Djoldybaeva Ý.M.

---