InfoHub Logo

14 naýryz - qazaqtyń qystan aman shyǵyp, bir-birimen dıdarlasyp, " qystan aman-esen shyqtyń ba?"  , "mal-jan aman ba?" desisip, kórisetin kúni. Sondyqtan ony ejelden qazaqtar "Kórisý kúni" dep atap ketken. Bul meıramnyń erteden mańyzy zor boldy, sebebi 6 aı qystan halyq qystaýda kúneltip,  bir-birinen habarsyz ketken, sonan soń kóktem týyp, aınala kógaldana bastaǵanda kókteýge kóship, halyq bir-birimen júzdesip, bir shýlasyp qalatyndy-mys. Biraq, búgingi kúni áleýmettik jeli damyǵan,uıaly telefonsyz adam joq, kóship-qonbaı, barlyǵy jyl 12 aı óz baspanalarynda otyrady, sondyqtan bolar, bul meıramnyń qazir qadir-qasıeti tómendep ketti. Qazaqstannyń Batys aımaǵynyń keı óńirlerinde ǵana bul dástúr áli jalǵasýda. 

Sondaı kóneniń kózi bolǵan dástúrlerimizdi jastarǵa nasıhattap, QazUÝ qalashyǵynda keń kólemde "Kórisý kúni" atalyp ótildi. Úlken alańda aýyldar tigilip, ishine ulttyq taǵamdarmen dastarhan jaıyldy. Ol meıramǵa barlyq stýdentterimen qosa, shet el azamattary da óz úlesterin qosty. Ártúrli ult-ókilderi de dastarhan jaıyp,óz mádenıetterimen tanystyrdy.Úndistan,Koreıa,Qytaı,Túrik,Arab,Ózbek mentalıtterin bilý bizge óte qyzyqty boldy. Barlyǵy bir-birimen kórisip,Samarqanyń kók tasy jibigen kúni Qydyr ata kelip, bata berdi. Alańda konsert bolyp, bir dý-dýman oryn alǵan bolatyn. Osyndaı sanamyzdan shyǵyp, óship bara jatqan meıramdarymyzdyń birin bizderge kórsetip, nasıhattaǵan QazUÝ rektory men oqytýshylaryna alǵysym sheksiz. Ult taǵdyry-bizdiń qolymyzda. Sanaly urpaq tárbıeleý arqyly biz ultymyzdyń bolashaǵyn saqtaımyz.

Ál-Farabı atyndaǵy Qazaq Ulttyq ýnıversıtetiniń 1 kýrs stýdenti Abyzova Aqmaral

Jetekshisi: Qazaqstan tarıhy kafedrasynyń dosenti Djoldybaeva Ý.M.

---