InfoHub Logo

Qarasha aıynyń 4 jáne  9 aralyǵynda Almaty kórermenderine fransýz kınematografıasynyń usynýymen XI "Búgingi fransýz kınosy" kınofestıvali ótýde. Fransýz elshiliginiń qoldaýymen jasalyp jatqan sharaǵa ál-Farabı at.QazUÝ, Jýrnalısıka fakúlteti, Kıno&medıa mamandyǵynyń 1 kýrs  stýdentteri fransýzdyq rejıser -  Antýan Barronyń "Dvoınoı obman  Madlen Kollınz" atty týyndysyn   tamashalap qaıtty.
 
Alǵash ret Mega oıyn-saýyq ortalyǵynyń Chaplin kıno zalynda kórsetilgen fılm stýdentterdiń kóńilinen shyqty. Festıvál baǵdarlamasyna kirgen fılmder ártúrli  janrlardy: drama, komedıa, trıllerdi qamtıdy.

1 saǵat 42 mınýtqa sozylǵan fılmniń sújeti Djýdıttiń qos ómirdi súrýinen bastalady. Bir apta Fransıada otbasy men eki ulynyń janynda bolsa, kelesi aptany Shveısarıadaǵy súıiktisimen, qyzymen ótkizedi. Uzaq ýaqyt boıy paralel ómirdi súrýi, biraq bir kúni ótiriktiń negizi jarylyp, osyndaı qıyndyqpen qurylǵan keıipkerdiń búkil álemi quldyraı bastaıdy. "Ótiriktiń quıryǵy - bir tutam",- degen qazaq maqaly osy fılmge qarata aıtylǵandaı. 

Bolashaqta kıno ónerin, onyń erekshelikterin, túrleri men janrlaryn zertteı jazyp, syn mádenıetin qalyptastyratyn Kıno&medıa mamandyǵynyń stýdentteri úshin mundaı sheteldik qoıylymdar - jańasha izdenis, jańa beles. 

Fılmniń senarıin jazǵandar Antýan Barro, Elena Klots. Fılmniń ereksheligi úsh elde túsirilgen - Fransıa, Belgıa, Shveısarıa.
Fılmde Vırdjınıa Efıra, Jaklın Bısset, Kım Gýterres, Brýno Salomon, Fransýa Rosten jáne taǵy basqa tanymal akterlar óz rólderin joǵary deńgeıde alyp shyǵady.

Fılmdi kórsetýdi uıymdastyrǵan Fransıanyń Reseıdegi elshiliginiń aýdıovızýaldy yntymaqtastyq jónindegi aımaqtyq attashesi - Emanýel Fosılon:"Fransýz kınosyn qazaq kórermenine usynýdaǵy maqsatymyz - eki eldiń arasynda uqsastyq bar. Fransýz kınosy qazaqqa jaqyn. Sebebi, qazaq ultynyń ázilinde tereń astar men maǵyna bar. Shynaıylyq basym. Sondyqtan, bizdiń kınolar qazaq eliniń júreginen oryn alatyny sózsiz. Kıno zalǵa kún saıyn kelip, óz qalaýlaryńyzsha qalaǵan kınolardy kórýge bolady",- dedi. Fılm sońyna qaraı, rejısermen tikeleı baılanysqa qosylyp, fılm jaıly surap, ózindik qoltańbasy qalǵan úzdik týyndy ekenin kórermender moıyndady.

Aıta ketý kerek, osy jyldyń 27 mamyrynda Fransıa elshiligi ál-Farabı at.QazUÝ Jýrnalısıka fakúlteti, Baspasóz jáne elektrondy BAQ kafedrasynyń stýdentterimen kezdesý jasaǵan bolatyn.

Adalbek Shuǵyla
Kıno&medıa mamandyǵynyń 1 kýrs stýdenti 
Jetekshisi: aǵa oqytýshy, kýrator N.B. Rýshanova

---