Almatylyq oqýshylar normadan 3-4 ese aýyr sómke kóterip júr
Almatylyq oqýshylar normadan 2-3 ese aýyr sómke arqalap júr. Bul týraly Almaty qalalyq taýarlar men kórsetiletin qyzmetter sapasy jáne qaýipsizdigin baqylaý departamentiniń basshysy Aızat Moldaǵasymova aıtty.
Departament basshysynyń aıtýynsha, qazir qaladaǵy 254 mektepte 266769 oqýshy oqıdy. Sonymen qatar, 28 arnaıy ınternatta 7593 oqýshy bilim alyp jatyr.
Memlekettik mektepterde bala sany tym kóp bolǵandyqtan, oryn jetispeýshiligi 30%-ǵa jetti.
«Birinshi synyp oqýshylarynyń sómkesi normadan 2-3 ese aýyr. Al 5-6 synyp oqýshylarynyń sómkesi qalypty kórsetkishten 3-4 ese aýyr. Jalpy 5-synyp oqýshylary úshin sómkeniń salmaǵy 2,5 keliden aspaýy tıis. Al qazir oqýshylar 6-9 keli sómke arqalaýǵa májbúr. Birinshi synyp oqýshylarynyń sómkesi 1,5-2 keliden aspaýy tıis. Al shyn máninde balalar 4-4,5 keli sómke kóterip júr», - dedi baspasóz máslıhaty barysynda departament basshysy Aızat Moldaqasymova. Onyń aıtýynsha, mektep sómkesiniń salmaǵy qalyptan tys bolsa skolıoz, osteohondroz sıaqty aýrýlarǵa ákep soqtyrýy múmkin.
You Might Also Like
-
Sary ala kúzdiń kelbeti, sary dalany syıqyrlaǵanyna búgin tórtinshi kúnge taıap keledi. Qoǵamǵa tulǵa retinde, sara jolymnyń alǵashqy baspaldaǵyna aqyryn ǵana qadam basyp kelemin. Adamnyń armany sheksi...
-
2025 jyly Qazaqstannyń JOO-lary QS reıtıńinde top-150-ge enýi qajet. Bul týraly búgin Úkimet otyrysynda «DoingBusiness» reıtıńinde jáne basqa da reıtıńterde Qazaqstannyń pozısıalaryn...
