Investorlar bilim berý deńgeıine erekshe nazar aýdarady — mınıstr
2025 jyly Qazaqstannyń JOO-lary QS reıtıńinde top-150-ge enýi qajet. Bul týraly búgin Úkimet otyrysynda «DoingBusiness» reıtıńinde jáne basqa da reıtıńterde Qazaqstannyń pozısıalaryn jaqsartý jóninde baıandaǵan QR Ulttyq ekonomıka mınıstri Rýslan Dálenov aıtty.
«Investorlar bilim berý deńgeıine erekshe nazar aýdarady. Bul — orta jáne joǵary bilim daıyndyǵynyń deńgeıi. Ekonomıkalyq yntymaqtastyq jáne damý uıymy elderiniń arasynda negizgi ındıkator «PISA» — bilim alýshylardy baǵalaý halyqaralyq baǵdarlamasy. Atalǵan reıtıń mektepte bilim berý sapasyn úsh pán boıynsha ólsheıdi: matematıka, jaratylystaný, oqý. Reıtıń árbir 3 jylda qalyptastyrylady. 2018 jyldyń qorytyndysy boıynsha reıtıń aǵymdaǵy jylǵy jeltoqsan aıynda jarıalanatyn bolady. 2012 jyly Qazaqstan 53-shi oryndy ıelendi. 2025 jylǵa qaraı elimiz reıtıńtiń top-40 qataryna enýi qajet. Bul Lúksembýrg, Horvatıa, Izraıl sıaqty elderdiń deńgeıi», — dedi Rýslan Dálenov.
Onyń aıtýynsha, joǵary bilim berý sapasy ýnıversıtetterdiń halyqaralyq reıtıńterimen baǵalanady. Bul QS-atty joǵary oqý oryndarynyń álemdik reıtıńi. Ol — álemniń 1000 úzdik joǵary oqý oryndarynyń reıtıńi.
«Bul reıtıńke Qazaqstannyń tek 10 joǵary oqý orny kiredi. Ál-Farabı atyndaǵy Qazaq ulttyq ýnıversıteti bar bolǵany 207-orynda. 2025 jylǵa qaraı Qazaqstannyń joǵary oqý oryndary top-150-ge enýi qajet», — dedi mınıstr.
You Might Also Like
-
Almatylyq oqýshylar normadan 2-3 ese aýyr sómke arqalap júr. Bul týraly Almaty qalalyq taýarlar men kórsetiletin qyzmetter sapasy jáne qaýipsizdigin baqylaý departamentiniń basshysy Aızat Moldaǵasymo...
-
Ádebıetimizdiń aıtýly ókili Sherhan Murtaza- ár shyǵarmasynda ómir shyndyǵyn shynaıy sýretteı bilgen sheber qalamger. Jazýshy qalamynan týǵan «Qyzyl jebe», «Beseýdiń haty&ra...
