InfoHub Logo

Jastardy ǵana oqytý kerek degen túsinikten bas tartýymyz kerek. Elordada ótip jatqan ǵalamdyq ınovasıalyq samıtte QR Tuńǵysh Prezıdenti-Elbasy qorynyń atqarýshy dırektory Áset Isekeshev osyndaı pikir bildirdi.

«Keıingi onjyldyqta kóptegen ózgerister boldy. Eńbek sıpaty, ekonomıkalyq trendter qubylyp tur. Biz sanksıalyq qaqtyǵystardy kórip otyrmyz. Malaızıada ótken jahandyq ınovasıalyq samıtte tehnologıalyq damý arqyly bolashaq qoǵamdy qalyptastyrý máselesi talqylanǵan bolatyn. Damýshy ekonomıkalardyń saıasatyna tehnologıalar tikeleı áser etýde. Biz iri qalalar dáýirinde ómir súrip otyrmyz. Sol úrdisten qalmaý úshin talanttar men ınovasıaly sheshimderdi, iri ǵylymı ınstıtýttardy, kishi jáne shaǵyn bıznesti keńinen tarta bilý kerek. Qazir aqparat jyldam eskiretin boldy. Sondyqtan da adamı kapıtaldy damytý ekonomıkanyń negizi bolýy tıis», - degen Áset Isekeshev.

Ol talanttyń jas talǵamaıtynyn da atap ótti.

«Jastarǵa ǵana bilim berip, solardy ǵana oqytý kerek degen túsinikten bas tartýymyz kerek. 2018 jyly BUU-nyń Talanttar jónindegi komıteti startaptar basty róldi atqaryp otyrǵanyn málimdedi. Startap uǵymy jańa ekonomıkalyq sanatqa aınalýda. Mysaly, 2017 jyly AQSH-taǵy startaptar 1,1 mln jumys ornyn ashqan. Táýelsizdiktiń alǵashqy jyldarynda bizde gıperınflásıa bolyp, jumyssyzdar sany 2 mln adamǵa jetken bolatyn. Bir jyldyń ishinde jalpy ishki ónim 60 paıyzǵa quldyrady. 30 jylda bul kórsetkish 11 mlrd AQSH dollarynan 111 mlrd dollarǵa ósti. Orta Azıadaǵy jalpy ishki ónimniń 60 paıyzy Qazaqstanǵa tıesili. Qazaqstanǵa osy jyldary 300 mlrd dollardyń ınvestısıasy tikeleı quıyldy. Bıznesti júrgizý jeńildigi boıynsha 12-orynda turmyz. Ómir surý uzaqtyǵy 72 jastan asty. «Bolashaq» baǵdarlamasy boıynsha myńdaǵan stýdentti shetelden oqyttyq. Bes jyl buryn Qazaqstannyń orta kiris habyna kirdi», - dedi qor basshysy.

Eske salsaq, búgin elordada «Báskelestik transformasıasy! Ulttar – Energıa – Indýstrıalar – Qalalar – Talanttar» degen taqyryppen Ǵalamdyq ınovasıalyq samıt ótip jatyr.

---