InfoHub Logo

2021 jyly 25-qyrkúıek Almaty qalasy ákimdigi Qoǵamdyq damý basqarmasy jáne Almaty qalalyq “Jas Otan” Jastar Qanatynyń qoldaýymen, "Volonterlar lıgasy" Qoǵamdyq qory jáne Almaty pikirsaıys federasıasynyń uıymdastyrýymen qalalyq “ALMATY CUP 1” APF formatyndaǵy týrnıri ótti.

Týrnır «DEPO Evolution Park» jastar loft-ortalyǵynda, kolej jáne ýnıversıtet stýdentteriniń qatysýymen «Sóz boctandyǵy» taqyrybynda ótti.  

Atalmysh týrnır aldynda sheshendik ónerge baılanysty ZOOM qosymshasy arqyly onlaın master-klass uıymdastyrylyp, kelesi kúni offlaın debattyń maýsymashary ótti..

Maýsymashar pikirsaıysqa debat maıtalmandary qatysty. Tóreshiler oıynǵa tirkelgen 24 fraksıany ózara bólip, týrnır barysyn túsindirip ótti. 1-raýnd – irikteý, fraksıalarǵa «Bul Palata Eýropalyq Odaq retinde Transatlantıkalyq saýda jáne ınvestısıalyq seriktestikke kelisimin beredi» atty rezolúsıa berildi. 2-raýndqa jaǵdaıattyq qarar usynyldy. 3- raýnd boıynsha «Bul Palata Halyqaralyq qaýymdastyq retinde Talıban úkimetine Aýǵanstan rezervterin paıdalanýǵa ruqsat beredi» degen rezolúsıa bólindi. 3 raýndtan soń tirkelgen 24 fraksıanyń 8-i qalyp, «Bul Palata Lýkashenko retinde Belarýs Respýblıkasy basshysy bolǵansha Reseı quramyndaǵy Belarýs oblysynyń gýbernatory bolǵan tıimdi dep esepteıdi» atty qarar boıynsha pikirtalas bastaldy. Odan soń jartylaı fınalǵa 4 komanda qalyp, fınalda «Bul Palata 30 jylda eń jaqsy damý jolyn kórsetken postkeńestik respýblıkany kórsetedi» atty rezolúsıa berildi. «Úzdik tóreshi» nomınasıasyn Álishbaı Muhamedáli, «úzdik uıymdastyrýshy» nomınasıasyn Jeńishanqyzy Aıdana ıelendi. Fraksıalar boıynsha, 4-orynǵa «Fenıks», 3-orynǵa «Ádil saıasat», 2-orynǵa «Fenomen» jáne 1-orynǵa «Jastar Arlans» fraksıasy ıelendi.

---