InfoHub Logo

Tleýova Roza Jolbaıqyzy
№30 «Urpaq» MDU ádiskeri
Aqtóbe qalasy

«Altyn qaqpa» vıktorınalyq suraq jaýap oıyny

Maqsaty: Bastaýysh synyp muǵalimderi men mektepke deıingi uıym tárbıeshileriniń arasynda pikir talas jáne tájirıbe almasý maqsatynda uıymdastyrý. Bastaýysh synyp muǵalimderi men mektepke deıingi uıym tárbıeshileriniń shyǵarmashylyq sheberlikterin shyńdaý.
Kórnekilikter: Altyn qaqpa, kúmis qaqpa, tas qaqpa, altyn sandyq, arnaıy daıyndalǵan suraqtar.

«Altyn qaqpa» vıktorınalyq suraq jaýap oıynynyń júrgizilý barysy:

Qurmetti: - «Sóz atasy - sálem » - degen emes pe, aldymen amandasaıyq:
- Armysyńdar apaılar!
- Bastaýysh synyp muǵalimderi men mektepke deıingi uıym tárbıeshiler búgingi «Altyn qaqpa» vıktorınalyq suraq jaýap oıynyna qosh kelipsizder!
Júrgizýshi: Armysyńdar, muǵalimder, áz jandar,
Bilim izdep ınemen qudyq qazǵandar.
Qushaq jaıa qarsy alamyz sizderdi,
Bı de bılep, án de búgin shyrqalar.
Armysyńdar, qonaqtar, ustazdar
Qurmetpenen qol soǵar.
Aldaryńda jaýqazyndaı qulpyrǵan,
Bástesedi ustazdaryń qulshynǵan.
Túrlishe oıyn júıeli,
Oı - óristi damytýda bir eli.
«Altyn qaqpa» suraq jaýap mekeni.
Barlyǵyńyzdy «Altyn qaqpa» atty vıktorınalyq suraq jaýap tanymdyq oıyn saıysyna at salysýǵa shaqyramyz.
Oıyn sharty: Oıynǵa qatysýshylardy úsh topqa bólemiz:
«Alǵyrlar» toby
«Tapqyrlar» toby
«Bilgishter» toby
Oıyn úsh kezeńnen turady, ár kezeńniń 3 tapsyrmasy bar.
Bunda kezdesetin tapsyrmalar jan-jaqty qamtylǵan ár túrli taqyryptarda keledi. Mysaly: «Aınaladaǵy álemmen tanysý», «Balalar kórkem ádebıetimen tanysý», «Logıkalyq esepter», «Salt – dástúr», «Maqal – mátelder», «Jumbaqtar».
1-shi kezeńdegi 3 suraqqa durys jaýap berilse, «Tas qaqpa» ashylady.
2-shi kezeńdegi 3 suraqqa durys jaýap berilse, «Kúmis qaqpa» ashylady.
3-shi kezeńdegi 3 suraqqa durys jaýap berilse, «Altyn qaqpa» ashylady.
«Altyn qaqpa» ashylǵannan keıin kómbede «Altyn sandyq» bar. Altyn sandyqtyń da óz tapsyrmasy bar.
Al endi, «Altyn qaqpa» vıktorınalyq suraq jaýap oıynymyzdy bastaımyz.
«Tas qaqpada» mynadaı suraqtar jasyrynǵan:
1. Logıkalyq esepter.
- Qandaı saǵat kúnine eki ret aınalady?
(Toqtap turǵan saǵat).
2. Abaı atamyz atap kórsetken 5 dushpandy ata?
( Ósek, ótirik, maqtanshaq, erinshek , beker mal shashpaq)
Ósimdik neden kóbeıedi?
(tuqymnan)
(«Tas qaqpa» ashylady)
«Kúmis qaqpada» mynadaı suraqtar jasyrynǵan:
1. Logıkalyq esepter.
- Jańbyr eki kún qatar jaýa ala ma?
(Joq, arasynda tún bar).
2. Jeti qazynany ata?
Jeti qazyna - Er jigit, sulý áıel, aqyl-oı, júırik at,
qyran búrkit, beren myltyq .
Tirkesin tabý:
Til tas jarady...
(Tas jarmasa, bas bas jarady).

Erdi namys óltiredi...
(Qoıandy qamys óltiredi).
Basqa elde sultan bolǵansha...
(Óz elińde ultan bol).
(«Kúmis qaqpa» ashylady)
«Altyn qaqpada» mynadaı suraqtar jasyrynǵan:
1. Logıkalyq esepter.
- Jasy júzge kelgen qarıa óziniń týǵan kúnin qaldyrmaı atap otyrǵan. Sonda ol 25 ret qana atap ótken. Ol qaı kúni týǵan?
(29 aqpanda týǵan)
2 .Otan týraly 4 maqal aıtý.
1. «Otan úshin otqa tús, kúımeısiń»
2. «Otansyz adam-ormansyz bulbul»
3. «Otan ottan da ystyq»
4. «Otan-qýat, otbasy-shýaq»
3. Jumbaq sheshý. (3 jumbaq sheshý)
1. Saqyr-saqyr saqasy,
İshindegi baqasy.
Eki torsyq azyǵy,
Dińkildeıdi qazyǵy
(Besiktegi bala).
2. Tabaqqa túspes,
Qazanǵa pispes,
Ony ishpeı adam óspes.
(Emshektegi sút).
3. Appas jumbaq, adam basyn tappas jumbaq,
Qyz tilese, bermes jumbaq,
Qyzyl altynǵa batpas jumbaq.
(Adamnyń tárbıesi).
(«Altyn qaqpa» ashyldy).
Al endi kómbedegi «Altyn sandyqty» ashýǵa daıynbyz ba?
1. Jeti joqty ata?
Jeti joqty – Jylqyda ót joq,
Qusta sút joq,
Tasta tamyr joq,
Tasbaqada talaq joq,
Aspanda tireý joq,

Jerde ólsheý joq,
Allada baýyr joq.
2. Qazybek bı:
Ne qymbat?
Altyn uıań - Otan qymbat,
Qut berekeń - atań qymbat.
Aımalaıtyn anań qymbat,
Meıirimdi apań qymbat.
Kindik kesken jeriń qymbat,
Uıat penen ar qymbat.
3. Aqyl týraly 4 maqal aıtý.
1.«Ashý dushpan, aqyl dos, aqylyńa aqyl qos»
2. «Aqylsyz suraq berip, aqyldy jaýap kútpe»
3. «Ashý asyqqanda, aqyl basý aıtady»
4. «As tasysa, qatyǵy tógiler, ashý tasysa, aqyly tógiler»
( «Altyn sandyq» ashyldy).
Kómbege de jetip, «Altyn sandyqtyń da» tapsyrmalaryn oryndadyq. Budan biz ustazdarmen tárbıeshilerimizdiń segiz qyrly bir syrly ekenderine kózimiz jetti dep, olardyń tárbıelep ósirgen jetkinshekterinen jaqsy nátejıler kútýge bolady dep senim bildire otyryp, «Altyn qaqpa» vıktorınalyq suraq jaýap oıynyn aıaqtaımyz. «Altyn qaqpa» vıktorınalyq suraq jaýap oıynyna óte jaqsy shabytpen qatysyp, suraqtarǵa jaqsy jaýap bergenderińizge kóp-kóp rahmet.
Saý - salamat bolyńyzdar!