InfoHub Logo

Ashyq sabaq

Sabaqtyń taqyryby: Janýarlardyń qysqy mekeni
Sabaqtyń maqsaty: janýarlar tiri tabıǵattyń negizgi bóligi, olardyń da alýan túri bar ekeni týraly túsinik qalyptastyrý, janýarlardyń negizgi mekenimen tanystyrý.
Janýarlardyń qurlyqta da sýda da tirshilik etetindigin, olardyń árqaısysynyń ıkemdelgen óz ortasy baryn ańǵartý.
Janýarlarǵa qamqorlyq kórsetý jaıynda sóılese otyryp olardy qorǵaýǵa tárbıeleý. Ekologıalyq tárbıe berý.
Sabaqtyń túri: ınteraktıvti sabaq
Tıpi: jańa sabaq
Kórnekiligi: ınteraktıvti taqta (janýarlar toptamasynyń syzbasy) elektrondy oqýlyq, janýarlardyń jeke toptama sýretteri. Óleń shýmaqtary. «Jyl basyna talasqan haıýanattar» ertegisi.

Sabaqtyń ótilý barysy:
İ. Uıymdastyrý kezeńi
Qyzyǵýshylyqty oıatý.
- Balalar, sender qandaı janýarlardy bilesińder?
- Janýarlar týraly ertegi bilesińder me?
- Janýarlar týraly ertegi tyńdaǵylaryń kele me?
Olaı bolsa sabaǵymyzdy bastamas buryn men senderge «Jyl basyna talasqan haıýanattar» ertegisin oqyp bereıin. Sender zeıin qoıyp tyńdańdar. (ertegi oqyp berý)
Balalar ertegi unady ma?
Ertegi ne jaıynda boldy?
Jyl basyna talasqan haıýanattar atyn qaıtalap aıtyp kórińdershi.
Nege «Jyl basy» bolýǵa talasty.
- Sen qalaı oılaısyń?
- Olardyń tólin bilesiń be?
- Olardy qalaı ataıdy?
Balalar suraqqa jaýap berip otyrady.
(Sýretter kórsetý arqyly olardy «Úı janýarlary» dep atalatynyn túsindirý).

Sergitý sáti
Uzyn qulaq saq qoıan,
Estip qalyp sybdyrdy.
Oıly – qyrly jerlermen
Ytqyp, ytqyp júgirdi
Qarap edi artyna
Qıyǵyn sap kóziniń
Kele jatqan tompańdap,
Kójegi eken óziniń.