InfoHub Logo

H. Dosmuhamedov atyndaǵy Atyraý memlekettik ýnıversıteti
jýrnalısıka mamandyǵynyń lll kýrs stýdenti Tileýjan Ulpan

Elimizdiń batys óńirinde erekshe mereke, iltıpattyń ıisi seziletin dástúr bar. Ol kóktem kelip, jer kógergende, el de qystan aman shyqty, týǵan-týyspen qaýyshyp, marqaıyp qalsyn degen nıetten týyndaǵan — «Amal» merekesi. Kúntizbe naýryzdyń on tórtin kórsetken boıda, el jurt eleń alańnan jasy úlkenge sálem berip, «Jasyń qutty bolsyn" desedi. Atalmysh merekeniń ereksheligi — tek bir kún ǵana emes, jyl boıy jalǵasyn tabýynda.

Ata babalarymyz «Amal keldi, jyl keldi» degen. Sondaı-aq, halyq arasynda: «Amal kúni kimde-kim qyryq adammen kóriser bolsa, Qudaı taǵala kúnálaryn keshirip, duǵa-tilekterin qabyl eter» degen de senim bar.  Iaǵnı bul kúni arazdasqan jan tatýlasyp, ókpe renishin umytýy tıis.

Qazirgi tańda bul dástúr keń etek jaıyp keledi. Óńiraralyq ótkiziletin aıtys ta — bunyń bir dáleli. Atalmysh dástúrdi tek áleýmettik jeli arqyly toılap, bir birimen sýret arqyly kórisetinder de bar. Bul áreketti zamanaýı toılaý deımiz be...

Abaı atamyzdyń «Qyrdaǵy el oıdaǵy elmen aralasyp,
Kúlimdesip, kórisip, qushaqtasyp» degen óleńiniń maǵynasyna tereń úńilseńiz, bul dástúrdiń ejelden mańyzǵa ıe ekenin ańǵarýǵa bolady.

Endeshe, «Amal» merekesi qutty bolsyn!

---