InfoHub Logo

Keńes jumysyna partıanyń Atqarýshy hatshysy Ashat Oralov qatysty.

«Elimizdiń saıası júıesiniń transformasıasy «AMANAT» partıasynan bastaldy. Bizdiń partıamyz barlyq saıası ózgeristiń aldyńǵy qatarynan tabylyp otyr. Jańa Qazaqstandy qurý jaǵdaıynda jastarǵa negizgi ról beriledi. Sondyqtan naýryz aıynan bastap jastar qanatyn mazmundy qaıta jandandyrý boıynsha úlken taldaý jumystary júrgizilýde. Taıaýdaǵy Sıeze jastar uıymyn transformasıalaýdyń jańa tásilderi jarıalanady. Olardyń eń aldymen elimizdiń barlyq óńirindegi «AMANAT» partıasy jastar qanaty músheleriniń usynystary men pikirlerin eskere otyryp daıyndalǵanyn atap ótkim keledi», - dedi Ashat Oralov.

Óz kezeginde jastar qanatynyń tóraǵasy Nurjan Jetpisbaev Sıeze osyǵan deıin atqarylǵan jumystardyń qorytyndysy shyǵarylyp, partıanyń transformasıasyn eskere otyryp, jańa mindetter aıqyndalatynyn atap ótti. Qazaqstannyń barlyq óńirinen kelgen delegattar jastar qanatynyń qyzmetin jaqsartý boıynsha ǵana emes, jalpy memlekettiń damýy úshin ekonomıkalyq, áleýmettik, mádenı sıpattaǵy ıdeıalardy usyna alady.

Ortalyq keńestiń otyrysynda Almaty qalalyq máslıhatynyń depýtaty Serik Esmatov, Mańǵystaý oblysynyń «Jastar resýrstyq ortalyǵynyń» dırektory Abylaı Fazylbek, Pavlodar oblystyq máslıhatynyń depýtaty Irına Chıdýnchı, jastar qanatynyń Shyǵys Qazaqstan oblystyq fılıalynyń tóraǵasy Almas Aıtmuqash jáne t.b. sóz sóıledi.

Ortalyq keńeske jastar uıymdarynyń kóshbasshylary, Májilis jáne barlyq deńgeıdegi máslıhat depýtattary, ǵylym jáne mádenıet qaıratkerleri, ataqty sportshylar jáne t.b. kiredi.

Eske sala keteıik, «AMANAT» partıasynyń jastar qanaty – 105 myńnan astam adamdy biriktiretin eldegi eń iri jastar uıymy.

---