InfoHub Logo

Qazaq tili 6 synyp
Sabaqtyń taqyryby: Odaǵaı týraly túsinik.
Sabaqtyń maqsaty:
Oqýshylarǵa odaǵaı jáne onyń túrlerimen tanystyrý,
alǵash maǵlumat berý.
Mindetteri:
Bilimdilik. Oqýshylarǵa jańa sóz taby odaǵaı týraly maǵlumat berip, odaǵaıdyń túrleri, aıtylý erekshelikteri, jazylý emlesi jaıly keńirek túsinik berý, sóılem ishinen taýyp, túrlerine ajyratýdy úıretý.
Damytýshylyq. Oqýshylardyń este saqtaý qabiletteri men sózdik qorlaryn arttyrý, óz oılaryn júıeli túrde jetkize bilýin, tanym deńgeıin damytý.
Tárbıelilik. Oqýshylardy ana tilin ardaqtaýǵa, halqymyzdyń salt - dástúrin, yrym - joralǵylaryn bile júrip, qurmetteýge tárbıeleý.
Sabaqtyń túri: dástúrli sabaq.
Sabaqtyń tıpi: jańa bilimdi meńgertý.
Sabaqtyń ádisi: test, túsindirý, deńgeılik tapsyrmalar, semantıkalyq karta, suraq - jaýap, baǵalaý, bekitý, qorytyndylaý.
Sabaqtyń kórnekiligi: slaıd, oqýlyq, tórt túlik sýretteri, smaılıkter.
Sabaqtyń formalary: jeke balamen, synyp ujymymen jumys júrgizý.

Sabaqtyń barysy:
a) Uıymdastyrý kezeńi.
Oqýshylarmen amandasý, túgeldeý.
Kezekshi kim ekenin anyqtaý.
Baǵalaý paraqshalaryn taratyp, shartyn túsindirý.

á) Úı tapsyrmasyn suraý bólimi. Ótkendi qaıtalaýǵa arnalǵan test slaıdpen kórsetiledi. Oqýshylar oryndap bolǵan soń, jaýaptary shyǵady. Oqýshylar bir - biriniń dápterlerin almastyryp tekseredi.
1. Negizgi zat esimdi tabyńyz:
A) kásipker v) zeınet s) zeınetaqy
2. Syn esimniń maǵynalyq túrleri nesheý?
A) ekeý v) úsheý s) tórteý
3. Rettik san esimdi tabyńyz:
A) ekeý v) úsheý s) altynshy
4. Berilgen sózderdiń qaısysy esimdik?
A) mynaý v) bıik s) tyńda
5. Bolymsyz etistikti kórset:
A) jına v) maqtanba s) oqy
6. - dyr, - dir, - tyr, - tir – qaı etistiń jurnaǵy?
A) ózdik etis v) ortaq etis s) ózgelik etis
7. Esimshe tulǵaly sózdi kórset:
A) oqyǵan v) barypty s) keledi
8. Búgin, qazir, jazdygúni degen sózder ústeýdiń qaı túri?
A) maqsat v) mezgil s) meken
9. Beıneleýish sózi bar tirkesti tap:
A) myrs - myrs kúldi v) gúrs ete qulady s) jalt buryldy
10. Shylaýlardyń túrine jatatyn sózdi tap:
A) sabaqty v) septeýlik s) sapalyq

b) Jańa sabaqty túsindirý. – Balalar, qazaq tilinde neshe sóz taby bar? Káne, atap shyǵaıyqshy: zat esim, syn esim, san esim, esimdik, etistik, ústeý, elikteý sóz, shylaý, odaǵaı. Biz ótpegen qaı sóz taby qalyp qoıdy?
Endeshe, búgingi ótetin taqyrybymyz: «Odaǵaı týraly túsinik» dep atalady. Odaǵaıdyń túrleri bar. Túrleriniń ózi qyzyq! Odaǵaı sózin býynǵa bóleıikshi!
- O - da - ǵaı. Neshe býyn bar?
- 3 býyn bar.
- Qyzyqtyń ózi osynda. Odaǵaı sózinde qansha býyn bolsa, sonsha túri bolady. Birinshi túri, ol - Kóńil kúı odaǵaılary dep atalady. Kóńil kúı odaǵaılary qandaı maǵynany bildirýi múmkin?
- Qýaný, shattaný, tańdaný, jylaý, armandaý, ókiný, renjý, t. b.
- Al ekinshi túri - Shaqyrý odaǵaılary dep atalady. Shaqyrý odaǵaılary neni bildirýi múmkin? Kimniń qandaı oıy bar?
- Bilimge shaqyrý, mektepke shaqyrý, tóldi shaqyrý.
- Keremet! Oılaryń keremet eken. Shaqyrý odaǵaılary – ol ıt, qus, maldy shaqyrý, mysaly: moh - moh, shóre - shóre, ká - ká, t. b. jáne olardy qýýmen baılanysty: pyrs, ara.
- Úshinshi túri ol – Jekirý odaǵaılary. Ol – tyıym salý maǵynasyn bildiredi. Mysaly: táıt, já.
Odaǵaı
↓
Kóńil kúı
Shaqyrý
Jekirý

- Endeshe, úsh odaǵaıdyń túrlerine bir - bir odaǵaı aıtyp, kórkem etip jazalyq.
Bárekeldi, shóre - shóre, táıt.
Berilgen sózderdi dápterge jazyp alý.
Odaǵaıdyń erejesin jazdyrtamyn.
Tolyq maǵynasy joq, sondyqtan zatty, qubylysty, áreketti naqty bildirmeı, tek adamnyń ár túrli kóńil kúıin, sezimin bildiretin nemese jan - janýarlarǵa qaratylyp aıtylatyn sózder odaǵaı sózder dep atalady.