InfoHub Logo

Qyzyloda oblysy, Jańaqorǵan aýdany
№163 orta mektep
8 "b" synyp oqýshysy Tólepbaı Samal
Jetekshisi: Ormanova Alıa

Ana!  Ol - balany jaryq dúnıege alyp kelgen qasterli de, aıaýly jan. Ana - jumaqqa bastar jol. Aq shashty ana: «jastyǵym - balam» deıdi,  aqyldy bala: «aı - kúnim - anam» deıdi. Ana men balanyń arasyn kózge kórinbeıtin tylsym syrly jip jalǵap turatyndaı ispetti. Árbir bala úshin óz ómirinde anasynyń atqaratyn róli erekshe!.

Qazaqta «Ananyń súıgen jeri otqa kúımeıdi, oqta da tımeıdi» - degen qanatty sózi bar. Men ana mahabbatyn sózben aıtyp jetkize almaımyn.  Ol múmkin emes dep oılaımyn. Jer betindegi barlyq jaqsy sózder, jaqsy pikirler tek anaǵa ǵana tıesili, meniń oıymsha. Ana alaqanynyń aıasy, aq shynardyń saıasy. Ana úıdiń berekesi, qyz balanyń ónegesi. Qyz balalar óz anasynan tárbıe alyp, anasyna eliktep anasyna qarap boı túzep ósedi. Ananyń aq sútin aqtaý árbir balanyń boryshy dep oılaımyn.

«Anańdy Mekkege úsh arqalap aparsań da, qaryzyńnan qutyla almaısyń»- degen dana qazaq halqymyz. Ana týraly qalam terbemegen aqyn jazýshylar joq bolar, sirá!. Kez-kelgen adamnyń sulýlyǵy men jaqsy qasıetteri, eń birinshi tún uıqysyn tórt bólip aıalap ósirgen ana júreginiń jylýynan bastaý alady!

Ár balaǵa ananyń alaqany óte ystyq. Ana alaqany náziktik ataýy bolyp sanalady.

Áıel jerden shyqqan joq

Ol da erkektiń balasy.

Erler kókten túsken joq,

Áıel - onyń anasy degen -  A . Turmaǵanbetov atamyz!!!

Anany syılaǵan bala - kez-kelgen jerde qurmetti sanalady. Anasy bar adamdar eshqashan qartaımaıdy.

Ana kóregendigińniń teńdesi joq.  Meniń anam - meniń júregim.!!!

«Jumaqtyń kilti - ananyń tabanynyń astynda». Ana - qyz balanyń dosy, serigi, syrlasy, qurbysy.  Uljan - Abaı Qunanbaevtyń anasy. Anasynyń osyndaı asyl qasıetterin jastaıynan boıyna sińirip ósken Abaı atamyzdyń esimi tarıhta belgili. Qazir de jas urpaqqa Abaı atamyz sekildi analarynan jaqsy qasıetterdi boıyna sińirip ósýdi talap etemin, ıaǵnı úgitteımin.

Ana mahabbatynyń, aıaýly alaýly alaqanynyń arqasynda balalardyń zerek, meıirim men shapaǵatqa bólenip óskeni baıqalady. 

Nuryn shashqan kúnimsiń ǵoı jan anam,

Bar shýaǵyn balasyna arnaǵan.

Bir ózińnen qýat alyp ómirde

Seniń salǵan sara joldy jalǵaǵam!!!

---