Ańqaýdy aldaǵan aılaker
Kóp jyldan beri birge qyzmet istep kele jatqan eki joldas bolady. Munyń biri — adamnyń ańqaýy eken de, ekinshisi — ári aılaker, ári esepker adam eken.
Bir jyly osy ekeýi soǵymǵa bir semiz sıyr satyp alyp, ony kóshemen jetelep kele jatady. Ańqaý eń arǵysy maldyń da aryq-semizin aıyra bilmeıdi eken. Al endi aılaker qaı maldy bolsa da, bir kórgende onyń uńǵyl-shuǵylyna deıin biledi eken.
— Dostym, satyp alǵan malymyz semiz be? — deıdi ańqaý.
— Qaıdan semiz bolsyn. Jerlik qana eti bar. Men qar bekip, qys túsip qalǵan soń amalsyzdan aldym. Bolmasa osy sıyrdy almas ta edim, — deıdi aılaker.
— Onda muny men almaımyn, dostym! Biraq endi sen renjı kórme. Óıtkeni meniń bala-shaǵamnyń basy bar ǵoı. Solarǵa kóje-qatyq bolarlyq semiz et kerek edi, — dep, ańqaý úıine burylyp júre beredi.
— Ashyqaýyz ańqaýlyǵyń men mal tanymaıtynyń maǵan mundaı jaqsy bolar ma? Bara ber, jolyń bolsyn, ańqyldaq ańqaýym! Buıyrsa, bul sıyrdan eki jarym but maı túsedi, — dep aılaker ishinen jymyń-jymyń etip qala beredi.
You Might Also Like
-
El aralap júrip Kúsep qý bir úıge kelip qonady. Úıde bir ǵana jastaý áıel bar eken, kúıeýi bir jaqqa ketse kerek. Qonaq-asyn iship-jegennen keıin qonaq tórde jatady. Kenet, úı ishinde sybdyrlaǵan bol...
