InfoHub Logo

Ómirdegi qadirli oryn - muǵalimdiki.

Maǵjan Jumabaev

«Ustazdyq - uly qurmet». Nebir danyshpan adamdar, qarapaıym eńbekkerler de bári bir adamǵa qaryzdar. Ol-alǵashqy ustaz. Árbir adamnyń alǵashqy ustazy bolady. Meniń  alǵashqy ustazym  mektep tabaldyryǵyn qorqynyshpen attaǵan kezimde, óz meıirimdiligin kórsetip, eń alǵash qolyma qalam ustatty. Bizdiń bilim alatyn uıamyz- mektep ekenin túsindirip,mektep erejesimen tanystyryp, mektep ishin aralatty. Endi oqýshy boldyńdar degende ózimdi erekshe sezindim.

Alǵashqy ustaz bylaısha aıtqanda, mekteptegi ekinshi anamyz. Meniń súıikti de alǵashqy ustazym - Názıra Muratjanqyzy anamdaı bolyp ketti. Al ana árbir adam balasyna qymbat jan. Anany qalaı ardaqtasaq, ustazdy da solaı ardaqtaımyz.Ustazymyz árdaıym bizdi jyly júzimen qarsy alatyn.Ustazymdy alǵash kórgende, birdennen bıik sheberligimen, qarapaıymdylyǵymen, adamgershiligimen bizdi baýrap aldy. Názıra apaı bizge bilim berýge bar kúshin salyp at salysty Kóńili pák,oıy názik shákirtteriniń júregine aqyl dánin septi. Bizdi oqýǵa, esep shyǵarýǵa, oıymyzdy aıtýǵa úıretti. Apaıymyz bizdiń tártibimizge, tazalyǵymyzǵa qatty mán beretin. Barlyq sabaqtaryn tartymdy ári qyzyqty ótkizetin. Bizdi sabaqqa qyzyqtyrý úshin synyptan tys is-sharalardy da jıi uıymdastyratyn. Ol ár ýaqyt kerek kezde kómegin aıamaı, aqylyn aıtyp, jol kórsetip otyratyn dana adam.

Men ustazym sıaqty alǵa qoıǵan maqsatyma jetkim keledi. Al meniń maqsatym - Abaı atamnyń sózimen aıtsam, osy dúnıege kirpish bolyp qalaný. Sondyqtan da men Názıra apaıymdy maqtan tutamyn. Oıyma oı qosyp,bizge bar yqylasymen bilim bergen alǵashqy ustazym Názıra Muratjanqyzyna alǵysym sheksiz. Meniń jarqyn bolashaǵyma nur sepken apaıyma zor densaýlyq, qajymas qaırat, uzaq ǵumyr tileımin!

Shymkent qalasy №3 jobbm
6 «d» synyp oqýshysy Sýltanhodjaeva Rozanna

---