InfoHub Logo

Bul jaqta jolbarys, arystan, aıý bolmaǵan. Biraq basqa ańdar bolǵan. Bóstekeń osy óńirge qaqpan quryp, ań aýlaǵan. Onyń qurǵan qaqpanyn ań túgili, adam da bilmeıdi. Ol qasqyr aýlaýdyń aldynda qaqpandy otqa jaǵyp, qyzartyp qaıta sýytady. Ondaǵy sebebi temirdiń ıisi shyqpaýy. Ony jerge kómip, betin neshe túrli topyraqpen jaýyp, iz salyp qoıady.

Ekinshi aıla. Sonyń janynan shı buta bolady. Soǵan da qaqpan salady. Oǵan arlan qasqyr túsedi. Qaqpan jatqan jerdiń aınalasyn baqylap, alǵashqy qaqpan jatqan jerge jolamaı álgi shı butaǵa baryp sarıdy, sol kezde artqy aıaǵy qaqpanǵa túsedi.

Bókeń etke qarmaq salyp, joǵary tal basyna baılap aýlaıdy. Ondaǵy quraly qarmaqqa et túırep, únemi qońyrsyp turatyn etip ettiń ústińgi jaǵyna sasyq et qoıady.

Bir kúnde 9-10 túlki, qarsaq aýlaǵan. Túlkiniń, qarsaqtyń inderine tútin salyp, qarsaq daýsyn salyp aýlaǵan. Sonymen bir qysqa 70-90 ań alady eken.

Erte kezde sol aýylda qaqpan bolmaǵan jyldary Bókeń mynadaı ádispenen kıik, qaraquıryq sıaqty adal ańdardy alǵan. Júni alynǵan qaq týlaq osy kúngi mejemen aıtqanda uzyndyǵy 60 sm, kóldeneńi—40 sm. Týlaqqa pyshaqpen oıyp, ońqaı jáne solaqaı izin salady. Ol týlaqty ózenniń janyna tastaıdy, kıik sý ishýge kelgen týlaqqa aıaǵyn túsirip alyp, odan shyǵa almaı qolǵa túsedi eken. Sóıtip, Bókeń adal ańdardy óstip aýlap, aýlyn qamtamasyz etken eken.

---