InfoHub Logo

Kitap jıǵan qazaqtyń jıhazy Abaısyz bolmas, Abaıy bolmasa ol qazaq emes, jalpy ondaıdy sanaly adam deý qıyn. Tórinde Abaıdyń kitaby turǵan úıdiń sáýlesi de molyraq. Abaı kitabynan erekshe sáýle shashyrap turady.

Sol sıaqty Abaıdyń kitaby úıinde turý bir basqa da, onyń shapaǵatyna shomylý bir basqa.

Ony oqý bar da, túsiný bar. «Abaıdy tanyp boldyq pa?» dep gazet beker jazbaıdy. Abaıdy kóp qazaq oqydy, túsinip oqıtyndar da az emes bolar. Al túsingenin boıyna, minezine, adamgershiligine darytyp júrgender kóp pe? Mine, bul oılanatyn másele. Eger árkim Abaı arqyly aqylyna aqyl qossa; kez nuryna nur qosylsa; sezimin baıyta tússe; jan dúnıesin, rýhanı álemin rahymdandyra berse — shirkin, onda aramdyq, aryzqoılyq, qyzǵanysh,tákappar - taqastyq, ótirik - ósek, jalaqorlyq, taǵy ne bar — barlyq jaǵymsyz qylyq aramyzdan árqashan alastalar edi.

---