InfoHub Logo

Dáýletkereıdiń aýlyna jaqyn jerde dombyra tartý sheberligimen de, kóriktiligimen de kózge túsip, jaqsy ataǵymen el aýzyna ilingen Aqbala atty qyz bar eken. Ań aýlap júrip, sýsyndaýǵa túskende sulý qyzdyń ónerine tań qalady. Aqbala bir Noǵaılynyń (Baıuly rýynyń bir atasy) bula ósken jalǵyz qyzy bolsa da, ata-baba jolynan attap, ádepsizdik kórsete qoıǵan joq. Biraq ózin qashan da tákappar ustaıtyn ádeti edi. Tipti, kóńilim jaqyn dep júrgen jigitterdiń ózi jeme-jemge kelgende taısaqtap, qyz aldynda tili kúrmelip qala beretin. Aqbalaǵa Dáýletkereıdiń jyly ushyraǵany — ol ózi «ejelden kele jatqan tártip boıynsha el bıleý úshin jaratylǵan» aqsúıekter tuqymynan shyǵa tursa da, óz dombyrasyn janyndaı súıetin kúıshi, óz ortasynan ǵana emes, ózge ortadan asyqqan ónerpaz áriptesterimen de til tabysyp, shúıirkelesip júre
beredi eken. Dáýletkereı de «Aqjeleń» attas kúı shyǵaryp, ony sol qyzǵa arnapty.

 

---