Aqmolalyq oqýshylardyń jobasy Polshada úzdik dep tanyldy
Aqmolalyq oqýshylar usynǵan jobalar halyqaralyq ǵylymı-praktıkalyq konferensıada eń úzdik tanyldy.
Polshanyń astanasy Varshava qalasynda ótken «Qazaqstan - Polsha - Nıderlandy» ǵylymı-praktıkalyq konferensıasyna Aqmola oblysynyń Esil aýdanyndaǵy balalar úıiniń tárbıelenýshileri 11 synyp oqýshysy Nıkolaı Sherbakov pen 9 synyp oqýshysy Vıtalıı Tarasov qatysty.
Nıkolaı Sherbakov mektep oqýshylarynyń densaýlyǵyn saqtaýdaǵy problema jáne «Bı - bul ómir» jobasy arqyly bıdiń ár bir bala úshin mańyzdy ekenin dáleldep, birinshi oryndy jeńip aldy. Nıkolaı ózi breık-dans bıleýmen aınalysady. Jobaǵa Regına Kıreeva jetekshilik etip otyr.
Al, Vıtalıı Tarasov saýsaqtardaǵy papıllárly teri syzyqtary men adamnyń minez-qulqy jáne múmkindikteri arasyndaǵy ózara baılanysty anyqtaý boıynsha jobasyn usyndy. Joba jetekshisi - Marına Bondareva.
Konferensııa aıasynda pedagogtarǵa áleýmettik ǵylymdardyń Polsha akademıasy ókilderimen kezdesý uıymdastyryldy. Onda qatysýshylar Eýropadaǵy joǵary jáne orta bilim alý erekshelikterimen tanysty.
«Halyqaralyq konferensıada elimizdiń abyroıyn qorǵap, alǵashqy orynnan kóringenime qatty rızamyn. Ustazdarymen men osy baıqaýǵa qatysýǵa qol ushyn sozǵan adamdarǵa alǵysym sheksiz», deı kele, Nıkolaı Sherbakov Varshavanyń eń ásem jerlerine jasaǵan saıahatymen bólisti.
Konferensıany uıymdastyrýǵa áriptestik tanytqan Aqtóbe qalasyndaǵy ekologıa jáne ınjenerıa kishi ǵylym akademıasy.
You Might Also Like
-
Qaraǵandy oblysy ákimdiginde mektep medpýnktterin densaýlyq saqtaý júıesiniń qaraýyna ótkizý úderisi talqylandy.
-
Mektep medısınasy densaýlyq saqtaý mekemeleriniń qaramaǵyna ótedi. Bul týraly búgin Úkimettiń selektorlyq rejimdegi otyrysynda QR Densaýlyq saqtaý jáne áleýmettik damý mınıstri Tamara Dúısenova mál...
