Astanada robototehnıkadan Central Asia FIRST halyqaralyq chempıonaty ótip jatyr
Astanada oqýshylar arasynda robototehnıka boıynsha Central Asia FIRST Championship halyqaralyq chempıonaty ótip jatyr.
Atalǵan básekede Qazaqstannan jáne kórshi elderden qatysýshy oqýshylar ózderiniń ınovasıalyq jobalaryn usynady.
Kez kelgen jetistik shaǵyn qadamdardan bastalatyny anyq. Sondyqtan búgingi jobalar shaǵyn masshtabta bolsa da, kópshiliktiń kóńilinen shyqty.
«Meni jas talanttardyń jobalary qýantty. Aıta keteıik, bıyl chempıonat energıa taqyrybyna arnalǵan, qatysýshylar óz ázirlemesin úlken yqylaspen tanystyrdy. Jeńimpazdar álemdik básekede eldiń namysyn qorǵaý úshin AQSH-qa attanady. Bul balalardyń barlyǵy jańa tehnologıalardy damytyp, eldiń damýyna úles qosatyn bolashaq IT mamandar, ınjenerler men ǵalymdar. Tehnıkalyq bilimdi alýǵa umtylatyn jastar Qazaqstannyń órkendeýine yqpal etedi dep senemin, óıtkeni bizdiń ekonomıkamyzda tehnıkalyq mamandyqtardyń ókilderi jetkiliksiz», - dep jazdy olımpıada jaıynda elimizdiń Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın.
Onyń aıtýynsha, ınjenerlik kózqaras barlyq jerde bolýy kerek, sonyń arqasynda ınovasıalyq ónimder paıda bolady.
FIRST - STEM bilim salasyndaǵy nátıjelerge qol jetkizýge jáne HHİ ǵasyrdyń daǵdylaryn damytýǵa yqpal etetin baǵdarlama.
Álemniń jetekshi oqý oryndarynyń biri – Massachýsets tehnologıalyq ınstıtýtyna túsken stýdentterdiń 10% FIRST baǵdarlamasynyń túlekteri.
Jyl saıyn FIRST Alumni túlekterine álemniń úzdik joǵary oqý oryndarynan túrli usynystar keledi jáne olar kóptegen bilim stıpendıasyna ıe bolyp jatady.
Qazaqstan aýmaǵynda FIRST baǵdarlamasy 2020 jyldan beri júzege asyp jatyr.
You Might Also Like
-
Aqparattyq tehnologıa – 21 ǵasyrdyń jetekshi baǵyty. Jańa tehnologıalar qazir naqty ómirdiń bir bóligine aınaldy. Sondyqtan IT salasyndaǵy sapaly maman - tek progrestiń damýyna ǵana emes, adam...
