InfoHub Logo

Iá, qazirgi zaman, bilekke senetin emes, bilimge senetin órkenıetti el. XXI ǵasyr-kóshbasshylar ǵasyry. Ozyq tehnologıalar, tyń ıdeıalar, tehnıka men jańasha aqparattyń sharyqtaý kezeńi. "Nadan jurttyń kúni qarań, keleshegi tuman",-dep M.Dýlatov atamyz aıtqandaı, egemendi elimizdiń tiregi, jarqyn bolashaǵy-bilimdi urpaq. Qashyqtyqtan oqytýdyń óz aldyna erekshelikteri orasan zor, bilim berý deńgeıi men mazmuny, bilim alýshylardyń sany men quramy óz aldyna úlken mártebe. Qazirgi Dúnıejúzinde aldyńǵy qatarly damýshy elderdiń barlyǵy joǵary deńgeıde, óz tájirıbeleri arqyly jumys jasap, tehnologıanyń tıimdi jaqtaryn aldyǵa tartady. Al osy tusta sonshalyq san qyrly, alpaýyt nárselerdi qıynsynbaı atqaratyn oqytýshynyń berer baǵyt-baǵdary úlken ról atqarary sózsiz. Qurǵaq sýsyz, tasa kóleńkege dán ekseń ónbeıtini sıaqty, jas urpaqty, tárbıelep, dara jol nusqamasaq óspeıdi, ónbeıdi. Búgingi tańda, ıaǵnı qashyqtyqtan bilim berý júıesinde, ulaǵatty ustazdardyń aldynda turǵan, kókeıkesti máselelerdiń biri-shákirtteriniń shyǵarmashylyq bilim daǵdysyn, keńeıtý, órbitý. 

Eldiń erteńi óresi bıik, dúnıetanymy keń, kemel oıly urpaqqa ulttyq rýhanı qazynany álemdik oı-pikirimen ushtastyrǵan, sapaly bilim men sanaly tárbıe berilý kerek dep túsinemin. 

Búgingi órkenıetti zamanda, kitap pen jastarǵa ortaq baılanysy bar mádenı orta ol-kitaphana. Kóne jazbalar men sonaý baǵzy zamannan beri bastaý alyp, urpaqtan urpaqqa jalǵasyn taýyp kele jatqan kitaptar syqyldy kitaphananyń da, tarıhy men taǵylymy sol zamannyń shyndyǵyn asha túskendeı. Osy tusta Ábish Kekilbaev atamyzdyń sózi esime orala tústi "«Men kitaphanany aqyl-bilim, adamgershilik ordasy dep bilemin. Al kitaphanashylardy eshqashan joǵalmaýǵa tıisti sol asyl qazynanyń saqshylary sanaımyn» dep beker aıtpasa kerek. Rýhanı bilimniń, qundylyqtyń, mádenıettiń ordasy-kitaphana eshqashan da máni men mańyzdylyǵyn joıǵan emes.

Kitap oqý rýhanı jaǵynan jetilýge ǵana emes, shyǵarmashylyq turǵydan bolsyn jáne de tán saýlyǵyna da úlken septigin tıgizedi.. Kitap oqýdyń paıdasy-uzaq ómir súrýge jeteleıdi, mıdyń úzdiksiz baǵytta jumys isteýin qalyptastyrady

Kitapty súıip oqıyq, bilimge umtylaıyq!

---