InfoHub Logo

Kishi júzdegi on eki ata Baıulynyń bir butaǵy Adaı bolǵanda, Adaıdan taraıtyn irgeli rýlardyń biri Qyryqmyltyq dep atalady. Sol Qyryqmyltyqtyń bir tarmaǵy Muqaldyń ishinde Qarabas degen qadirli adam ótken. Qarabas dúnıe salǵanda úsh júzdiń bir-birimen qulaqtas adamdary tegis kúızelip edi deıdi.

Qarabas balalary ákesiniń asyn Alshynnyń jýan ortasy dep Qumaýytta ótkizipti. úsh júzge saýyn aıtyp, bas báıgege elý túıe, eki júz elý qoı tigedi.

Qarabastyń asynda úsh júzdiń nebir nántalap yǵaı-syǵaılarynan basqa, qatysam degen úmitkerlerdiń de betin qaqpaıdy. Sondaı úmitkerlerdiń biri Tabyn ata elinen kelgen Juban degen jigit eken. Minip kelgen qula qasqa atynyń qoldaýy túsip, syltı basyp kelgenine qaramaı báıgege qosatynyn bildiredi. Jurt ishinde Jubandy qyjyrta kemsitip, ájýa etýshiler de bolady. Juban munyń birin elemeı, qula qasqasyn táýekel dep báıgege qosady.

Uzyn sany alpysqa tarta báıge attarynyń ishinde Jubannyń Aqsaq qulasy jalǵyz qara bolyp birinshi keledi.

Osy oqıǵany kózimen kórip, kóńiline toqyǵan Sarymalaı sybyzǵysyna kúı etip tartqan eken.

 

---