InfoHub Logo

Qorqynysh-jarqyn jolǵa tosqaýyl qoıatyn aýyrtpalyq.Eger boıyńyzdaǵy osy bir jaǵymsyz ásermen qoshtasqyńyz kelse, tómendegi keńesterdi oryndańyz:

Qorqynyshty ma? Artqa sheginbeńiz!​

Siz bıikterden kórinip, jetistikke jetýdi qalaǵan sátte ishki qorqynysh maqsattaryńyzdy tejep, senimdilikti joıady.Sol sebepti ýaqytyńyzdy qorqynyshqa boı aldyryp ótkizbeńiz, josparlaryńyzdy júzege asyrýdan tanbańyz.

Qorqynyshpen júzbe-júz kezdeser bolsańyz, ishki sezimińizdiń aıdaǵanymen júresiz.Alaıda, qorqynyshty jeńý arqyly jańa beleske jetesiz.

Ótkenińizdi umytyńyz

Keıbir sátterde qıynshylyqty nemese sátsizdikti bastan keshirip, bar aýyrlyqty júrek túbinde saqtaımyz.Bálkim, siz ótkendi ótkerýge bel sheshe kirisken bolarsyz.Biraq nátıje joq! Bul sizdiń jeńilisińizdiń belgisi emes! Siz sátsizdikterdi eske alǵan saıyn qorqynysh sezimi mazdap, lajsyzdan óz maqsatyńyzdan bas tartasyz.Siz-erekshe ári batyl jansyz.Eger armanyńyzdyń oryndalmaıtynyna sener bolsańyz, qorqynyshpen kúrese almaısyz!

Kedergiler men syltaýdy izdestirýdi doǵaryńyz

"Bul tym qıyn", "Men sharshadym", "Meniń ýaqytym az". Bul sózder búginde janyńyzǵa jara salmaǵanymen, keıinnen opyq jeýińizge alyp keledi.Kedergiler men syltaýlardy izdestirgen saıyn kelesi qıyndyqqa tap bolasyz.Boıyńyzdaǵy jalqaýlyqty jeńip, túımedeıdi túıedeı etpeı, alǵa jyljyńyz!

Asyǵys sheshimder men ózgelerdiń pikirimen sanaspańyz

Keıde barlyq is-áreketterimiz biz oılaǵandaı oryndalmaı jatady.Biz maqsatymyzdan taıyp, kúresýge kúsh-jiger izdestiremiz.Al birneshe ýaqyt ótken soń armanyńyzdyń aıqyndylyǵyn sezinesiz.Ótken sátsizdikterdi qazbalaýdan saqtanyńyz.Múmkin, siz osy arqyly jańa jetistiktermen qaýysharsyz.

Bir nátıjemen shektelmeńiz, múmkindikti baǵalańyz

Belgili bir qorytyndy shyǵarý jolynda asyǵystyq tanytyp, ýaqyt joǵaltatynymyz haq.Máseleniń mánisi mynada:qaıtalanbas sáttermen qosh aıtysyp, múmkinshilikterińizden aırylyp qalǵanyńyz úshin qorqynysh sezimin týdyrasyz.

Jeńis pen jeńilis-ómirimizdiń basty sharty.Ǵumyrymyz-saıahat ispettes, sondyqtan da bizder úshin nátıje emes, qorqynyshymyzdy jeńý jolyndaǵy jasaǵan áreketterimiz mańyzdy!

Arýjan Samıdın

---