InfoHub Logo

2019 jyly 11 jeltoqsanda «Bilim Media Group» kompanıasynyń uıymdastyrýymen shyǵarmashyl ári jańashyl ustazdarǵa arnalǵan respýblıkalyq «Jańashyl muǵalim-2020» baıqaýy bastaldy. Baıqaýdyń maqsaty — bilim berý salasynda AKT-ny damytyp, qoldanysqa engizip júrgen pedagogterge qoldaý kórsetý jáne olardyń áleýmettik jáne kásibı bedelin arttyrý.

Osymen altynshy márte ótkizilip otyrǵan baıqaýǵa elimizdiń barlyq aımaǵyndaǵy mektepke deıingi, bastaýysh jáne orta bilim berý mekemeleriniń (orta mektep, gımnazıa, lıseı, kolej, sábıler balabaqshasy, balabaqsha ortalyqtary, shaǵyn ortalyqtar) oqytýshylary men tárbıeshileri qatysa alady. Baıqaýǵa qazaq, orys, aǵylshyn tilderinde jiberilgen jumystar qabyldanady.

Baıqaý jumystaryna qoıylatyn basty talap — bilim berý men tárbıeleýde AKT-ny, BilimLand resýrstaryn utymdy qoldana bilý. Sondaı-aq jumystardyń ózektiligi, mazmundylyǵy, nátıjeliligi men kórnekiligi jáne jumys sapasynyń kórkemdik ári tehnıkalyq turǵydaǵy joǵary bolýyna mán beriledi.

Eki kezeńnen turatyn baıqaý kelesi atalymdar boıynsha ótedi:

1. Sabaqtaǵy aqparattyq-kommýnıkasıalyq tehnologıalar;

2. Tárbıe saǵatyndaǵy aqparattyq-kommýnıkasıalyq tehnologıalar;

3. Aqparattyq-kommýnıkasıalyq tehnologıalardy qorytyndy atestattaý men UBT-ǵa daıyndyqta qoldaný;

4. Shaǵyn jınaqty mekteptegi (SHJM) aqparattyq-kommýnıkasıalyq tehnologıalar;

5. Mektepke deıingi bilim berýdegi aqparattyq-kommýnıkasıalyq tehnologıalar.

Buǵan deıin baıqaý tórt atalym boıynsha ótip kelgen. Bıylǵy jyly balabaqsha tárbıeshileriniń AKT quzirettiligin arttyrý maqsatynda «Mektepke deıingi bilim berýdegi aqparattyq-kommýnıkasıalyq tehnologıalar» dep atalatyn jańa atalym qosyldy.

Baıqaýǵa jiberilgen jumystarǵa tájirıbeli pedagog-ádiskerler men Bilim Media Group kompanıasynyń basshylyǵynan quralǵan táýelsiz saraptamalyq komısıa baǵa beredi.

Baıqaýdyń júlde qory — 2 500 000 teńge.

Jeńimpazdar oqý jylynyń aıaqtalýyna arnalǵan saltanatty jıynda resmı túrde dıplomdarmen marapattalady, sondaı-aq olardyń aty-jónderi bilimland.kz saıtyndaǵy arnaıy blogta jarıalanatyn bolady. Al baıqaý týraly tolyq aqparatty bilimland.kz saıtynan jáne áleýmettik jelidegi paraqshalarymyzdan (vk, facebook, instagram) oqı alasyzdar.

Bilimland.kz bilim berý platformasyn belsendi paıdalanatyn bilim jáne tárbıe berý mekemeleriniń barsha qyzmetkerin «Jańashyl muǵalim-2020» baıqaýyna qatysýǵa shaqyramyz!

---