InfoHub Logo

Salaýatqyzy Aıdana
Almaty tehnologıalyq ýnıversıtetiniń
3 kýrs stýdenti

«Ardaqty ana, qamqorshy ustaz jáne men» saıysynyń ótý jospary.
Taqyryby: «Ardaqty ana, qamqorshy ustaz jáne men»
Maqsaty: Oqýshyny halyqtyq pedagogıka negizinde tárbıeleýde muǵalimmen ata-ananyń birlesken jumysyn nyǵaıtý.

Kórnekiligi:
«Shýaqty kóktem keldi gúlin alyp,
Kóktemniń merekesi búgin anyq.
Ómirdiń kóktemi de, gúli-analar,
Ana dep bas ıedi kúlli halyq. »
«Dúnıede ózgermeıtin úsh nárse bar: ol-ananyń aq súti, sábıdiń kúlkisi, kúnniń nury»
Saıys jospary:
1. Toptyń ózin tanystyrýy.
2. «Ata dástúri- asyl qazyna».
3. «Tátti án men ásem kúı».
4. «On saýsaǵy maıysqan, sheber bolar urpaqpyz».
5. «Atalar aıtqan asyl sóz».
6. «As – adamnyń arqaýy».
Saıysqa 5-8 synyp oqýshylary qatysty. Ár synyptan quralǵan toptyń quramynda: oqýshy, anasy, synyp jetekshisi. Saıysqa qatysqan tórt top:
1. «Tulpar» 7-synyp.
2. «Qyzǵaldaq» 8-synyp.
3. «Kókpar» 6-synyp.
4. «Jeńis» 5-synyp.
1-júrgizýshiniń kirispe sózi:
-Qosh keldińizder, qurmetti analar, ustazdar jáne oqýshylar. Sizderdi kóktemniń lebimen ilese kelgen 8-naýryz halyqaralyq áıelder merekesimen quttyqtaımyn! Barshańyzǵa baqyt tileımin!

«Shýaqty kóktem keldi gúlin alyp,
Kóktemniń merekesi búgin anyq.
Ómirdiń kóktemi de, gúli-analar,
Ana dep bas ıedi kúlli halyq.
Jan keshken balasy úshin, baǵy úshinde,
Halqynyń, otbasynyń qamy úshin de.
Analar-sheksiz álem, kúnniń nury,
Tirshilik kózi jatyr ár isinde»- deı kele búgingi saıysqa kelip otyrǵan analarymyzdy ortaǵa shaqyramyz.
- Ustazym- ekinshi anam, aıalaǵan,
Bizderden bar bilimin aıamaǵan.
Tańerteń kúnde qushaq jaıadyaldan – dep, jas ustazdardy ortaǵa shaqyramyz.

-SHákirtpin men,
Ulylardan jaqsylyqty teretin,
Oı marjanyn kópke usynyp beretin.
Barlyǵynan ardaqtysy ómirdiń,

Álemdegi jaqsylyqqa eretin.- dep shákirtterge kezek beremiz. Olar: Serjan, Jadyra, Shynar, Áıgerim, Gúlsezim, Jaınagúl, Baqytbek, Anar, Janar.
Ár top ózderiniń oryndaryna jaıǵasqannan keıin, kezekpen ár toptyń ózin tanystyrýy.
İİ. «Ata dástúri- asyl qazyna» sharty boıynsha ár topqa 10 suraq beriledi.Osy suraqtyń 1 mın. ishinde nesheýine durys jaýap beriledi, sol esepke alynady.

İİİ. Abaı atamyzdyń sózimen aıtqanda
«Qulaqtan kirip boıdy alar,
Tátti án men ásem kúı.
Kóńilge túrli oı salar,
Ándi súıseń menshe súı»- kezekti óner saıysyna beremiz. Ár top óziniń kezeginde án aıtyp, bı bılep ózderiniń ónerge ıkemdiligin baıqatty.
İV. On saýsaǵy maıysqan sheber bolar urpaqpyz (bul shart úı tapsyrmasy retinde berildi.). Ózderiniń úıden daıyndap kelgen qolóneri týraly aıtyp túsindirdi. Ásirese «Jeńis» tobynan kelgen apalarymyzdyń daıyndap kelgen quraq túrleri (tyrna, shı quraq), balalardyń daıyndaǵan qamshy órimderi, qyz balalardyń keste toqýy uqyptylyǵymen kózge tústi.

V. «Atalar aıtqan asyl sóz» bóliminde maqal-mátelden saıysqa tústi. Maqaldyń basy aıtylyp, sońyn ózderi jalǵastyrdy.
Vİ. «As- adamnyń arqaýy» bul bólimde ulttyq taǵam túrleriniń bireýin, olardyń jasalýyn túsindirip ótti.
Vİİ. Qorytyndy. Saıys sharttaryna saı, jınaǵan upaı sanymen «Jeńis» toby alǵa shyqty.
Júrgizýshi: Analar jóninde kún saıyn qanshama jańa jyrlar, ásem ánder ómirge kelýde. Áıtse de, osylardyń eshqaısysy da aq daýlyqty analardyń tolyq bolmys bitimin sýrettep bere almaıdy. Ana degen kúlli tirshiliktiń ıesi bolǵandyqtan, olar jónindegi áńgime- jyrlarmen, qanatty da, shabytty da, uly da kıeli ándermen aıaqtalýy múmkin emes. Ol ǵasyrlar boıy jalǵasa berýi tıis. Saǵynysh toly júrektiń názik qylyn shertetin, jany jaısyń, kóńili darqan, pák sezimdi asyl analar jónindegi ádemi áýender úzdiksiz shyrqalyp, árbir adamnyń júreginiń tórinen oryn alyp, máńgilik sarqylmaýy tıis. Óıtkeni, «Ana- taýsylmas jyr, sarqylmas dastan, aıaqtalmaıtyn án».
Hor: «Ana týraly jyr».