InfoHub Logo

Kez kelgen adamnyń armany bolary anyq. Al sol arman bizdi belgili bir maqsatqa jeteleıdi. Ol arman – adammen birge ósedi, órkendeıdi. Dál solaı, meniń de balalyq shaǵymnyń úlken bir armany bar, ol – jýrnalıs bolý edi. Teledıdarda, túrli baǵdarlamalarda, radıo jelisinde sóılep jatqan aǵa-ápkelerimniń sóıleý mánerine, oıdy jetkizý tásilderine ǵashyq bola bastadym. Jýrnalıs - sózge sheshen, ushqyr oıly, jan dúnıesi ásem, kez-kelgen adammen sóz tabysa alatyn, qarapaıym, bilimdi adam. Mende sondaı jan bolǵym keledi. Abaı atamyzdyń «Sen de bul kirpish dúnıede, ketigińdi tap ta, bar qalan» degen sózimen aıtsaq osy ómirde eldiń damýyna úles qosyp kirpish bolyp qalansam deımin. Sebebi, Memleket basshysy Qasym-Jomart Toqaev Ulttyq qoǵamdyq senim keńesiniń úshinshi otyrysynda «...kez kelgen memleket úshin adamı kapıtal basty ólshemge aınaldy. Osy oraıda biliktilik máselesi aıryqsha mańyzǵa ıe. Ár azamat óziniń jeke jetistigi arqyly búkil eldiń tabysty bolýyna, ósip-órkendeýine úles qosady»- degen bolatyn. Mende bilikti kásibı deńgeıdegi jýrnalıs bolǵym keledi. Ol úshin árıne kásibı mamandar daıarlaıtyn oqý ornynda bilim alýym kerek. Jýrnalıs mamandaryn elimizdiń kóptegen joǵary oqý oryndary daıarlaıdy biraq meniń tańdaýym Ál-Farabı atyndaǵy Qazaq Ulttyq ýnıversıteti boldy. Nege? Ál-Farabı atyndaǵy Qazaq Ulttyq ýnıversıteti óıtkeni, Qazaq jýrnalısıkasynyń dańǵyl joly dál osy, Qazaq Ulttyq ýnıversıtetiniń jýrnalısıka fakúltetinen bastaý alady jáne atalmysh oqý ornynda elimizge tanymal tulǵalar bilim alǵan ári oqý orynynyń ornalasqan jeri de kez kelgen men sıaqty aýyl balasyn men mundalap turǵandaı kórinedi. Ásem qala Almatynyń aspanmen talasa jatqan taýlary men oqý ornynyń qalashyǵy da kez-kelgen jasqa armanyn shyndyqqa aınaldyrýǵa keremet motıvasıa beritini sózsiz.

Endeshe, armanyma bir qadamdy elimizdiń úzdik ýnıversıteti Ál-Farabı atyndaǵy Qazaq Ulttyq ýnıversıtetiniń jýrnalısıka mamandyǵyna jasadym. Men jýrnalıs bolǵym keledi!

Qamat Ádilet Temirjanuly

---