InfoHub Logo

Mektepte oqyp júrgen jyldary jýrnalısıkaǵa jalyndaǵan, belsendi, sózderi mirdiń oǵyndaı, jazǵanda qalamdary naızadaı talapkerler kelip, naǵyz alamandar báıgesi sıaqty bolady dep oılaýshy em. Alaıda ózim túsken soń baryp, biraz dúnıege kózim jetip, qazir oıym ózgerdi. 

Jýrnalıs bolý - eldiń muńyn muńdap, bılik pen halyq arasyndaǵy kópir bola otyryp, naıza qalam ushtaǵan maman bolý. Biraq búginde bizdiń keı jastar osyny túsinbeı júr. Jýrnalıs bolýdy ádemi kıinip alyp, marjandaı tisterin kórsetip, kók jáshikten shyǵý dep túsinedi. Mine, bitirgen soń 30 adamnan 5 adam ǵana jýrnalıs bolyp qalatyny da osydan. Jýrnalıs bolý men telejúrgizýshi bolýdy shatastyrý. Meniń oıymsha, mekteptegi qosymsha sabaqtarǵa mamandyq tańdaýǵa qatysty dúnıeler qosý kerek, eger osyǵan basymdyq berilse kóp túlek adaspaı óz jolyn tabar ma edi? Mamandyqtyń negizi maqsatyn túsinbese de, kóptiń biri bolyp, grant ıelenip júrgender az emes. Sol sebepti sanaýly grantty sapaly stýdentter alsa kóńil qýantady. Al túsýin túsip alyp, jýrnalısiń bári telejúrgizýshi emes ekenin uǵynǵandar taǵy da sol mamandyq boıynsha jumys istemeıtin mamandar qataryna qosylmaq. 

Aıta keteıik, telejúrgizýshiden bólek, jýrnalısıkaǵa, esep-qısaptan, UBT-dan, jaratylystaný baǵytynan qashyp keletinder de jeterlik. Eger oqýshy mamandyq týraly tereń túsinse, bundaı oıda bolmas edi. 

Sanaýly bolsa da sapaly maman daıarlaý úshin, mektep kezinen tańdaýǵa qatysty baǵyt bergen durys bolar ma edi?

Zarına Rahmetova

---