InfoHub Logo

Bir kisi úıiniń tómengi qabatynda aǵash sheberligimen aınalysady eken. Esik pen tereze jasap kúneltedi. Bir kúni jumys istep jatqanynda elektr qýaty óshedi. Uzaq ýaqyt boıy kútse de kelmeıdi. Qasarysqandaı sol keshte tapsyrýy kerek bolǵan birneshe tereze bar edi. Biraz demalý úshin úıine kóterilip bara jatyp saqtandyrǵyshqa kózi túsedi. Bireý saqtandyrǵyshty óshirip qoıǵan eken.

Ajyratqyshty (rýbılnık) qosqanda seh jaryq bolady. Boljamdary durys shyqqan eken, biraq munyń mánisin túsine almaıdy. Jumysqa qaıta kiriskeninde sol nárse taǵy qaıtalanady. Biraq bul joly ol kináli adamdy kóredi. Balasy úı men seh arasyndaǵy satydan dybyssyz, aqyryn túsip, saqtandyrǵyshty óshirip jatqan kezinde ákesin dál aldynda kóredi.

Adam on jasqa endi tolǵan balasynyń mundaı opasyzdyǵyn keshire almaıdy. Búkil kúni onyń kesirinen joǵalǵan edi. Bir ret qana istegen bolsa bálkim ún qatpas edi. Shapalaqpen tartyp jiberedi. Bálkim bul urǵan shapalaǵy endi qaıta opasyzdyq etýine kedergi bolar. Balasynyń kóz jastaryna qaramastan úıine kirip, áıeline bóksip bylaı deıdi:

- Myna balanyń mektepte kimdermen júrgenin bilýimiz kerek!.. Eger bos jiberetin bolsaq, basymyzǵa bále bolýy múmkin!..

Keıin eń ońaı jolyn tabady. Balasynyń esh qaldyrmaı ustap júretin kúndeliginde dostaryna qatysty málimet bolsa kerekti.

Balasy kúndeligin kórsetkisi kelmese de ony tyńdamaı, kúndeligin oqı bastaıdy. Balasynyń eń sońǵy bette bylaı jazǵanyn kóredi:

«Búgin túnde jaman tús kórdim!.. Sehta jumys istep jatqan kezde ákemdi toq urǵan eken. Qudaıym-aý ony saqtaı gór!.. Men qolymnan kelgenin isteımin!..»

---