InfoHub Logo

Qyz uzatý toıy - úlken mereke. Munda at jarys, palýan kúresi, aıtys, óner básekesi, bás, ulttyq oıyn túrleri, jumbaq aıtys, án-jyr aıtý sıaqty oıyn-saýyqtar ótkiziledi. Buǵan qatysqan, kórgen jurt bir serpilip, jany jadyrap qalady. Osyndaǵy taǵy bir qyzyqty óner - qalyńdyqtyń jeńgeleri men kúıeý janyndaǵy jigitterdiń aıtysy. Ol basqa aıtystardaı eshkimdi synap, minemeıdi, kádimgi ázil-qaljyńǵa, kúlkige, tapqyrlyqqa qurylady.

Bul aıtystyń aty - "Kiná mende". Taǵy bir qyzyǵy: jeńgen jaq jeńilgen jaqqa arnaıy syılyq tapsyrady. Bul - jeńilgen jaqtyń kóńilin kóterip, olardyń oıynda kirbiń qalmasyn degen ıgi tilek pen jaqsy kóńildiń, aldaǵy jaqyndyqtyń belgisi. Aldy-artyn árkez birdeı erte oılaıtyn qazaq halqynyń osy dástúri onyń ulttyq qasıetteriniń úlken kórinisi ekenin qalaı umytarsyń!

---