InfoHub Logo

Mektepte ata-analardan zańsyz aqsha jınaýǵa qatysty aqparatty Whatsapp jáne Facebook jelileri arqyly xabarlaýǵa bolady, dep habarlaıdy QazAqparat.

Bul týraly búgin brıfıń barysynda BAQ ókilderine Astana qalasy bilim basqarmasynyń basshysy Qasymxan Senǵazyev málim etti.

"Halyqpen keri baılanys ornatý úshin Facebook áleýmettik jelisinde "Astanalyq bilim berý #bilimastana toby jáne Astana qalasy bilim basqarmasy jetekshisiniń paraqshasy ashylǵan. Sonymen qatar Astana qalasy bilim basqarmasynyń "jedel jelisi" qyzmet kórsetedi. Telefon nómirleri: 55-01-62, 8-778-255-01-62. Sondaı-aq 8-778-255-01-62 nómirine Whatsapp arqyly xabarlama jiberýge bolady. Sonymen qatar SMS xabarlama júıesi de iske qosylǵan. Ony 8-701-588-99-66 nómirine jiberýge bolady", - dep atap ótti basqarma basshysy.

Onyń sózinshe, jedel jeli 21 maýsymnan beri jumys jasaýda. 4 aı ishinde 560 shaǵym tússe, ony 85-i mektepterde zańsyz aqsha jınaýǵa baılanysty bolyp otyr.

Basqarma basshysynyń aıtýynsha, Astananyń birqatar mektepterinde týrnıketterge jarna jınalýda. Ol aqsha balalardyń mektepten kirip-shyǵýyn qadaǵalaý úshin, ata-analarǵa sms-xabarlamalar jiberý úshin alynady.

"500 teńge kólemindegi atalmysh jarna uıaly baılanys operatorlaryna tólenedi. Ata-analar balalaryn mektepke qaı ýaqytta kirgenin, qaı ýaqytta shyqqanyn bilip otyrǵysy kelse, atalmysh jarnany tóleıdi. Degenmen ony mindetti túrde tóleýi tıis degen talap joq", - dedi Q. Senǵazyev. 

---