InfoHub Logo

Taldyqorǵandaǵy № 42 balabaqshanyń ata-analary tárbıeshini jumysyna qaıtarsyn dep talap etip otyr, dep habarlaıdy QazAqparat tilshisi.

Ata-analar tárbıeshi Svetlana Djeksembaevany tájirıbeli, 35 jyldan astam eńbek ótili bar, balalardy óte jaqsy tárbıeleıtin maman dep sanaıdy.

«Bizdiń tárbıeshimizdi negizsiz jumystan qýdy. Tek bir adam ǵana jasyryn túrde aryz jazǵan. Sonyń negizinde jumystan shyǵaryp jiberdi. Ol eshkimge kitap-dápter al dep talap qoıǵan joq», - dedi ata-ananyń biri Olesá Knorr.

Qazir ǵana tárbıeshini jumysyna qaıtarsyn degen ata-analar Almaty oblystyq bilim basqarmasy basshysynyń orynbasary Janna Magdanqyzynan kómek surady.

«Biz bul máseleni mindetti túrde anyqtaımyz. Eger balabaqsha tobyndaǵy 35 balanyń 34-iniń ata-anasy tárbıeshi jumystan ketpesin dep otyrsa, rasymen de oılanatyn jaǵdaı», - dedi Almaty oblystyq bilim basqarmasy basshysynyń orynbasary Janna Magdanqyzy.

Qazir ata-analar Oblystyq bilim basqarmasynyń basshysy Lázzat Bazarqulovanyń atyna ótinishterin jazyp, tárbıeshiniń máselesine nemquraıly qaramaýyn ótindi.

 Esterińizge sala keteıik, keshe  ata-anadan 18 oqý-dápterin satyp ákelýdi talap etkeni dáleldengen Taldyqorǵandaǵy № 42 balabaqshanyń tárbıeshisi qala ákiminiń orynbasary Márlen Kólbaevtyń jınalysynan keıin, qalalyq bilim bóliminiń buıryǵymen jumystan shyǵaryldy. Al balabaqsha meńgerýshisine sógis jarıalandy. Sondaı aq jıynda Márlen Kólbaev Memlekettik mekemelerde balalardy oqýlyqtarmen qamtý úshin qajetinshe qarajat qarastyrylǵan. Al oqý-dápterlerin alý-almaý ata-ananyń óz erkinde. Biraq, ony talap etý - jemqorlyqqa jeteleıdi dep atap ótken bolatyn.

---