Oqý oryndarynda aqsha jınaýmen kúresetin jumys toptary quryldy
Aǵymdaǵy jyldyń 10 oıynda bopsalaýǵa baılanysty 494 qylmys tirkeldi. Bul osy qylmystyń ótken jyldyń sáıkes merzimimen salystyrǵanda 13,2 paıyzǵa azaıǵanyn kórsetedi, dep habarlaıdy QazAqparat.
QR İİM baspasóz qyzmetiniń málimetinshe, bul rette osy jyldyń ótken merzimi ishinde bopsalaý qylmystaryn ashý 94,7 paıyzǵa deıin jaqsarǵan.
«Osy qylmys túrimen aınalysatyn adamdardyń quqyqqa qaıshy áreketteriniń jolyn kesý boıynsha júrgizilip jatqan jumystardyń tıimdiligin arttyrý maqsatynda barlyq óńirdegi ishki ister departamentterinde turaqty jumys isteıtin toptar qurylyp, olardyń quramyna uıymdasqan qylmysqa qarsy kúres, krımınaldyq polısıa bólimsheleriniń jáne jergilikti polısıa qyzmetiniń qyzmetkerleri biriktirildi. Sonymen qatar polısıa qyzmetkerleri oqý oryndaryndaǵy aqsha jınaý jáne bopsalaýmen aınalysatyn adamdar týraly aqparattar berý máselesi boıynsha oqý oryndarynyń basshylarymen jáne oqytýshylar quramymen kezdesýler ótkizýde»,-dep atap ótilgen QR İİM habarlamasynda.
You Might Also Like
-
11 jastaǵy almatylyq Álı Baıjigit talantty balalar týraly «Birinshi arnanyń» jańa telebaǵdarlamasyna qatysty. Baǵdarlama júrgizýshisi Maksım Galkın jas almatylyqty uly oıshylǵa teńep, onyń...
-
Astana qalasynyń bilim basqarmasy elordadaǵy eń úzdik mektepterdiń tizimin jarıa etti.
