InfoHub Logo

Oqý jyl bastalýyna az ýaqyt qaldy. Mektep kıimderiniń saýdasy qyzyp tur. «QazAqparat» tilshisi saýda bazarlary men tańdaýly býtıkterdi aralap, mektep formalarynyń baǵasyn bilip qaıttypty. Nazarlaryńyzǵa usynamyz.

Elordanyń ortalyq bazarynda shamamen 19,5 myń teńge kólemindegi qarajatqa balany tolyq kıindirýge (aıaq-kıim men jeıdeni qosqanda) bolady. Shalbary, pıdjagy jáne jıleti bar kostúm 15 myń teńge turady. Biraq onyń baǵasyn 12 myńǵa deıin túsirýge bolady. Satýshylardyń aıtýynsha, kıimder Túrkıa, Qytaı, Qyrǵyzstanda tigilgen. Biraq shyqqan jeri men matasy týraly qaǵaz barlyq kıimderde birdeı bola bermeıdi.

Bul rette klasıkalyq aq jeıde baǵasy 1,5- 4 myń teńge shamasynda, al sapasy jaqsylaryn 3,5 myń teńge kóleminde alýǵa bolady. Qyz balalarǵa arnalǵan shalbar nemese beldemsheni 4 myń teńgege, jeıdeni 3 myńǵa, pıjakty 6 myń teńge shamasynda ala alasyz. Aıaq-kıim baǵasy 6 myńnan 14 myń teńge deıingi aralyqta.

Saýda ortalyqtarynyń býtıkterinde sapasy jaqsy mektep kıimderin sáıkesinshe 35 myń teńge shamasynda satyp alýǵa bolady. Álemdik brendterdiń kıimderi satylatyn dúkenderde maqtadan jasalǵan jalǵyz aq jeıde baǵasy 105 myń teńgege deıin barady, ortasha baǵa - 40 myń teńge.

Ul balaǵa arnalǵan mektep formasynyń jıyntyq baǵasy - 275 myń, oǵan pıjak (119 myń teńge), shalbar (44,6 myń teńge), jeıde (54,8 myń teńge) týflı (57 myń teńge) kiredi. Qyzdarǵa arnalǵan jıyntyq baǵasy - 257 myń teńge, onda pıjak (104,8 myń teńge), beldemshe (49,4 myń teńge), jeıde (43,4 myń teńge), týflı (60 myń teńge) bar.

---