Ashat Aımaǵambetov jazǵy kanıkýldy qysqartý máselesine pikir bildirdi
QR Bilim jáne ǵylym mınıstri Ashat Aımaǵambetov jazǵy kanıkýldy qysqartý men UBT ótkizý merzimi týraly túsinikteme berdi.
«Toqsandyq demalysqa bir apta erte shyǵý oqý jylyn uzartýdy qajet etpeıdi. Qazirgi ýaqytta mundaı másele qarastyrylyp jatqan joq. Jazǵy kanıkýldy qysqartý da josparymyzda joq. Aldaǵy ýaqytta kútpegen oqıǵalar bolyp jatsa, oılanýymyz múmkin. Biraq, ázirge bul másele kóterilgen joq», - dep jaýap berdi mınıstr Ortalyq komýnıkasıalar qyzmetinde tilshi saýalyna.
Sonymen birge, mınıstr UBT ótkizý merzimi týraly suraqtarǵa jaýap berdi.
«UBT-ny maýsym aıynyń aıaǵynda ótkizý josparlanǵan, ony da aýystyrýǵa esh qajettilik joq. UBT synama testterin aqysyz ótkizý boıynsha jaǵdaı jasadyq. Testileýdiń 70 nusqasyn tegin UBT saıtyna shyǵardyq, kóptegen balalar synama testten tegin ótip jatyr», - dedi mınıstr.
Eske sala ketsek, elimizdegi tótenshe jaǵdaıǵa baılanysty mektep oqýshylary, JOO jáne kolej stýdentteri qashyqtan oqytý formatyna kóshirildi.
Buǵan deıin mınıstr qazaqstandyq mektep oqýshylarynyń teledıdar, radıo, ınternet jáne poshta arqyly bilim alatynyn málimdegen edi.
1 sáýirde Qazaqstannyń barlyq mektepteri qashyqtan oqytý boıynsha synama sabaq ótkizedi.
Barlyq suraqtar boıynsha Bilim jáne ǵylym mınıstrliginiń 1450 koll-ortalyǵyna habarlasýǵa bolady.
You Might Also Like
-
Taıjan birde Atbasar jármeńkesine barady. Ertkeni — eldiń betke ustar aqyndary, termeshi jigitteri bolsa kerek. Ózi syrnaımen belbeýletip án salyp, jınalǵandardyń nazaryna iligedi. Osy jármeńk...
-
Qazaqstanda mektepterde bilim berý 4 baǵytta júrgiziletin bolady. Bul týraly Ortalyq komýnıkasıalar qyzmetindegi brıfıńide QR Bilim jáne ǵylym mınıstri Ashat Aımaǵambetov aıtty.
