Qashyqtan oqytýda muǵalimderdiń jalaqysy kemimeıdi — mınıstr
Qashyqtan oqytý formaty muǵalimder men oqytýshylardyń eńbekaqysyna áser etpeýi tıis. QR Bilim jáne ǵylym mınıstri Ashat Aımaǵambetov jaǵdaıdy osylaı túsindirdi.
«Qashyqtan oqytý formaty jalaqyǵa esh áser etpeýi kerek, jalaqy da azaımaýy kerek. Óıtkeni áriptesterimiz sol baıaǵy jumys kólemin atqarady. Daıyndyq jumystary ádettegiden de kóp bolatyn kezderi bolady. Sondyqtan, muǵalimderdiń jalaqysyn ózgertpeý týraly tapsyrma berdik. Bul tapsyrma arnaıy buıryqta naqty bekitilgen», - dep jaýap berdi mınıstr Ortalyq komýnıkasıalar qyzmetinde tilshi saýalyna.
Eske sala ketsek, elimizdegi tótenshe jaǵdaıǵa baılanysty mektep oqýshylary, JOO jáne kolej stýdentteri qashyqtan oqytý formatyna kóshirildi.
Buǵan deıin mınıstr qazaqstandyq mektep oqýshylarynyń teledıdar, radıo, ınternet jáne poshta arqyly bilim alatynyn málimdegen edi.
1 sáýirde Qazaqstannyń barlyq mektepteri qashyqtan oqytý boıynsha synama sabaq ótkizedi.
Barlyq suraqtar boıynsha Bilim jáne ǵylym mınıstrliginiń 1450 koll-ortalyǵyna habarlasýǵa bolady.
You Might Also Like
-
Shalǵaıdaǵy eldi mekenderdiń oqýshylary 4-toqsandy mektepte oqýǵa múmkindikteri bar. Bul týraly Ortalyq komýnıkasıalar qyzmetindegi brıfıńte QR Bilim jáne ǵylym mınıstri Ashat Aımaǵambetov aıtty.
