Ashat Aımaǵambetov til bilý daǵdylaryn ólsheıtin reıtıńter týraly aıtty
Bilim jáne ǵylym mınıstri Ashat Aımaǵambetov halyqtyń tildik daǵdylaryn ólsheıtin halyqaralyq reıtıńter týraly telegram kanalynda jazdy.
«Jaqynda men halyqtyń tildik daǵdylaryn ólsheıtin halyqaralyq reıtıńter týraly jazyp edim. Bul jazbanyń mán-maǵynasy Qazaqstannyń ornyn kórsetý nemese mindetti túrde eldiń jetistikterine nazar aýdarý emes edi. Degenmen osy jazbanyń astyndaǵy pikirler oqyrmannyń kópshiligi basqasha túsingenin, kóbinese Qazaqstannyń IELTS nátıjeleri týraly aqparatty ǵana oqyǵanyn kórsetti. Biraq men halyqtyń tildik daǵdylaryn baǵalaıtyn birneshe reıtıńtiń dıametraldi qarama-qarsy nátıjelerin arnaıy kórsetýge tyrystym. Maqsat osy reıtıńterdiń ádistemesin túsindirý boldy. Olardyń qandaı krıterııler negizinde qalyptasatynyn, árbirinde avtorlyq ádisteme bar ekenin jáne keıde olardyń ataýlaryn nemese qorytyndylaryn oqyǵanda bul reıtıńterdiń bizdiń túsingenimizden áldeqaıda basqasha bolatynyn kórsetý mańyzdy boldy. Sol sebepti ádistemeni túsiný jáne kórý mańyzdy ekenin taǵy da eske salǵym keledi», - dedi Bilim mınıstri.
Sonymen qatar Ashat Aımaǵambetov bilim salasyndaǵy ártúrli reıtıńter jáne zertteýler jaıynda aqparattarmen bólisýdi jalǵastyratynyn jáne reıtıń qanshalyqty reprezentatıvti jáne naqty ekenin ár oqyrman ózi sheshýi tıis ekenin jetkizdi.
You Might Also Like
-
Ádis degenimiz – muǵalimniń belgili bir maqsatqa jetýdegi is - áreketi, al tehnologıa –kóptegen ádisterdiń jıyntyǵy. Jańa tehnologıanyń basty maqsaty — ózdiginen damýǵa umtylatyn ...
-
Bulardyń tórteýi de komsomol músheleri, tórteýi de jumysshy qyzdary, tórteýi de oqýshylar. Tórteýi de tórt tamshy sýdaı bir-birine uqsas. Ásirese, olardy bir-birine uqsas etetin nárse-baqytty, qýanyshty...
