InfoHub Logo

Balalyqtyń balǵyn dámin saǵynbaıtyn jan joq-aý, sirá! Qamsyz, ýaıymsyz, eshbir qospasyz sátterdiń ýaqyt qorjynynda qalyp ketkeni qalaısha saǵyndyrmasyn?

Tezirek eseıýdi armandaǵan bala qalaýy eresek ómirdiń san túrli qat-qatparlardan turatynyn bilseıshi... Ala jazdaı tańnyń atysy, kúnniń batysyna deıin, ystyq kúnde úıden urlanyp shyǵyp asyr salyp oınap júrgen bizderge bul oı qaıdan kelsin. Balalyq renishtiń ózi qandaı?! Renish dep ataýǵa kelmes. Búgin renjisken dosyńmen erteń qol ustasa oınap júrgeniń. Aramdyqtyń, kekshildiktiń, zulymdyqtyń ne ekenin túsinbeıtin taza kóńil-aı! Aınalanyń bári tek jylýyn tógip, meıirimin tanytatyndaı edi. Al baqytty bolýǵa qalaǵan oıynshyǵyń men táttińniń ózi jetip jatyr. 

Balalyq shaq dese mektep qabyrǵasyndaǵy kezimiz birden esimizge túsedi. Qolymyzǵa álippe ustap alǵash ret mektep tabaldyryǵyn jasqana attaǵan sát... Synyptastardyń orny bir bólek. Erkelik pen buzyqtyq tanytyp, tipti sabaqtan da birge qashyp ketýshi edik. Qansha jerden kelispeı qalsaq ta, renjissek te bir úıdiń balasyndaı edik. Synyptastar quddy bir ekinshi otbasyńdaı. Seniń shynynda qandaı ekenińdi biletin, seni shyn tanıtyn adamdar da osy synyptastar. 

Qansha eseıdik degenmen boıda bir bala kóńil qalady. Keıde tez ókpelep, burtıyp, qyńyrlyq pen erkelik tanytyp, ózimizdi baladaı sezinip ketemiz. 

Máńgi bala bolyp qalmaıtynymyzdy bilse te, ishte jatqan balalyqty sóndirip tastaı almaımyz...

Myrzahan Ajar

Qazaqstan tarıhy kafedrasynyń dosenti Djoldybaeva Ý. M.

---