Ashat Aımaǵambetov UBT nátıjeleri boıynsha mektepterdiń reıtıńin jasamaýdy surady
Bilim jáne ǵylym mınıstri Ashat Aımaǵambetov óńir ákimdikterinen UBT nátıjeleri boıynsha oblystardyń, qalalar men mektepterdiń reıtıńterin jasamaýdy surady.
«UBT kezinde qoǵamdyq tártipti saqtaý, UBT ótkizý pýnkterin medısınalyq personaldarmen qamtamasyz etý qajet. Ekinshiden, UBT nátıjeleri boıynsha oblystardyń, qalalar men mektepterdiń reıtıńterin jasamaýdy suraımyz. Qazirgi tańda UBT - óz erkimen joǵarǵy oqý oryndaryna túsý úshin tapsyratyn emtıhan bolǵandyqtan, osy nátıjelerdi reıtıń jasaýǵa paıdalaný - bizdiń oıymyzsha, durys emes», - dedi Bilim jáne ǵylym mınıstri Úkimet otyrysynda.
Ashat Aımaǵambetov úshinshiden, mektep bitirýshiler men olardyń ata-analaryna qolaıly jaǵdaı jasaýdy, balalardy tasymaldaý máselesin uıymdastyrýdy surady.
«Jalpy, UBT ótkizýge daıyndyq josparǵa saı júrgizilip jatyr. Bıylǵy testileýdi ótkizýge daıynbyz», - dedi mınıstr.
QazAqparat
You Might Also Like
-
Iakýtıalyq ǵalymdar jumsaq tini men mıy saqtalǵan biregeı oljany zertteýde.
-
Qazaqstandyqtar álemniń kóptegen elderinde tegin bilim ala alady. Bul týraly «Halyqaralyq baǵdarlamalar ortalyǵynda» habarlanǵan.
