Qasqyrdyń basy muz qursanǵan aımaqta 40 myń jyl jatqan
Iakýtıalyq ǵalymdar jumsaq tini men mıy saqtalǵan biregeı oljany zertteýde.
Respýblıkalyq ǵylym akademıasynyń mamont faýnasyn zertteý bóliminiń basshysy Albert Protopopovtyń aıtýynsha, qasqyrdyń bas súıeginiń tabylýy – qalypty jaǵdaı. Tabylǵan eresek qasqyrdyń basy jumsaq tini men mıy óte jaqsy saqtalǵandyqtan da qundy bolyp otyr.
Qasqyr úsh-tórt jas shamasynda. «Qasqyrdyń basynyń ólshemi — 40 sm. Ony ótken jyly Tırehtáh ózeni boıynan Abyı aýdanynda turatyn jergilikti turǵyn tapqan. Qazir qasqyrdyń basy zertteý júrip jatqan Iakýtsk qalasynda saqtaýly. Japonıa men Shvesıa ǵalymdary da tabylǵan oljaǵa qyzyǵýshylyq tanytyp, zertteý jumysymen aınalysýda.
Sheteldik áriptesterdiń aıtýynsha, atalmysh bas 40 myń jyl boıy saqtalǵan. Qazirde túz taǵysyna DNQ taldaýy júrgizilip, tomografıalyq skanerleý derekteri óńdelý ústinde. Mamandar tabylǵan bas súıekti ejelgi jáne qazirgi qasqyrlardyń bas súıegimen salystyrýda.
You Might Also Like
-
Birinen soń biri zymyrap, irkes-tirkes óte shyqqan sol bir-eki kún shynynda da, ózge kúnderden bólek, este qalardaı erekshe edi. Odan keıingi mynaý sýy tartylǵan darıadaı aqyryn jyljyp aǵyp jatqan jyl...
-
Bilim jáne ǵylym mınıstri Ashat Aımaǵambetov óńir ákimdikterinen UBT nátıjeleri boıynsha oblystardyń, qalalar men mektepterdiń reıtıńterin jasamaýdy surady.
