InfoHub Logo

Mysyrǵa keletin týrıserdi kórikti jerler emes, Mysyrdyń eń qarapaıym úıleri tań qaldyrady. Olar — shatyrsyz úıler. Jergilikti adamdar úshin bul qalypty jaıt jáne jyldan jylǵa osyndaı jańa úıler turǵyzylýda.

Shatyrsyz úıde ómir súrý óte yńǵaıly eken. Mysyrdyń klımaty ystyq, qysy jyly, jańbyr óte sırek jaýady. Sondyqtan úıge shatyr qatty qajet emes. Mundaı úılerde turatyn mysyrlyqtar salqyn ýaqytta kórpe jamylyp, al shatyr ornyndaǵy tesikti birnársemen jabady. Biraq, bul klımatqa ǵana baılanysty emes.

Buryn Mysyrda shatyry joq úıler, tipti, baı aýdandarda da jıi kezdesetin. Búginde baılar kondısıonerge qol jetkizgendikten, shatyr arqyly jeldetý qajet bolmaı qaldy. Negizinen shatyry joq úıler kedeı aýdandarda kóbirek, ondaı úıler, tipti, Egıpet astanasy Kaırde de kezdesedi. Kedeılerdiń úıleri kóp qabatty bolady. Biraq ishi óte retsiz keledi. Mysyrlyqtar jyljymaıtyn múlik salyǵyn tólemes úshin shatyr qoımaıdy. Osy eldiń zańyna sáıkes, eger úıdiń shatyry bolmasa, onyń ıesi oǵan salyq tóleýge tıis emes. Munyń túbinde kóp ǵasyrlyq tarıhqa qaraǵanda aqshaǵa baılanǵan osyndaı qýlyq jatyr.

---