InfoHub Logo

Bilim berý salasy: «Komýnıkasıa»
Uıymdastyrylǵan oqý is - áreketi: «Drama»
Taqyryby: Kókónister daýy. Sahnalaý
Maqsaty.
Bilimdilik: Erteginiń mazmunyn túsine bilý, tildik, dybystyq mádenıetin jetildirý. Kókónister jóninde túsinik qalyptastyrý, olardyń oryndarynda rolderde oınaý qabiletterin damytý, dıalogty sóıleýge daǵdylandyrý. Kókónisterdiń adam densaýlyǵyna tıgizetin paıdasy týraly bilimderin jetildirý. Keıipkerlerdiń erekshelikterin bere bilýge úıretý.
Damytýshylyq: Balalardyń óz betinshe oılap, izdenýin damytý, oı - qıalyn, shyǵarmashylyq qabiletin shyńdaý, ár
keıipkerdiń ózindik ereksheligin zertteýge, sahnalaı bilý sheberlikterin arttyrý. Teatrlandyrylǵan áreketterdi bere bilý qabiletterin damytý.
Tárbıelik: Balalardy dostyqqa, adal bolýǵa, meıirimdilikke, qaıyrymdylyqqa, janashyrlyqqa baýlyp, qamqorlyq qasıetterin qalyptastyrý, jaqsydan úırenip, jamannan jırenýge tárbıeleý.
Tehnologıalyq qamtamasyz etý: Akt qoldaný," «Kúzgi erekshelikter» beıne kórinis, Álı men Aıanyń kókónister týraly áni, Karaoke:"Ertegiler" áni, ǵajaıyp sandyqsha, sıqyrly taıaqsha, kókónister atrıbýttary, sıqyrly baqsha, kókónister salynǵan banner.
Bılıngvaldy komponent: Kókónister - ovosheı, qyzanaq - pomıdor, qıar - ogýrsy, sábiz - morkov, kartop - kartofel, asqabaq - tykva, pıaz - lýk, qyzylsha - sveklo t. b.

Júrý barysy:
Tárbıeshi: Balalar qazir jyldyń qaı mezgili?
Balalar: Kúz mezgili.
Tárbıeshi: Durys, Kúz mezgilinde neshe aı bar? Osy kúz mezgilinde qandaı ózgerister bolady?
Balalar: Kúzde kún sýyta bastaıdy. Aǵashtardyń japyraqtary sarǵaıyp jerge túsedi. aınala sap sary altyndaı túske enedi, Aspandy sur bult basady, jańbyr jıi jaýady, kún qysqaryp, tún uzarady, ústimizge jyly kıimderimizdi kıe bastaımyz, egin jınalady.
Tárbıeshi: Kúzdiń negizgi erekshelikteri týraly myna beıne kórinisten tamashalap jibereıik.
Beıne kórinis: Akt:«Kúzgi erekshelikter»
Tárbıeshi: Balalar kúz bizge ne syılaıdy eken.
Balalar: Kókónister men jemister, dándi daqyldar syılaıdy eken.
Tárbıeshi: Kókónisterdiń adam aǵzasyna qandaı paıdasy bar eken?
Balalar: Kókónisterde dárýmender mol bolady. Kókónisterdi kóp jesek densaýlyǵymyz myqty bolady, aýyrmaımyz.
Tárbıeshi: Balalar kókónister qaıda ósedi?
Balalar: Baqshada.
Tárbıeshi: Balalar kókónister týraly Álı men Aııanyń myna ánin tyńdap bir sergip qalaıyqshy.
«Álı men Aııanyń «Kókónister» áni.
Tárbıeshi: Balalar bir dybys estiletin sıaqty, tyńdaıyqshy. Oı balalar bizge ertegiler áleminen Sıqyrshy qonaqqa kelipti.
Sıqyrshy:- Sálemetsizder me balalar! Sender ǵajaıyptarǵa senesińder me? Sender ertegiler áleminiń ǵajaıyp baqshasyna barǵylaryń keleme? Endeshe men myna sıqyrly taıaqshama senderdi ertegiler áleminiń ǵajaıyp baqshasyna aparýyn suraıyn. Qane bárimiz kózimizdi jumaıyq. Sıqyrshy qolyndaǵy sıqyrly taıaqshany aınaldyryp: Bir, eki, úsh bizdi ertegiler áleminiń ǵajaıyp baqshasyna jetkiz.
Karaoke: Aıgerim Qalaýbaevanyń «Ertegiler» áni jiberiledi.
Tárbıeshi: Oı balalar, biz mine ertegiler áleminiń ǵajaıyp baqshasyna da jettik. Qandaı tamasha. Oı mynaý ertegidegi ǵajaıyp kúzgi sandyq qoı. İshinde ne bar eken qaraıyn. Ashylmaıdy ǵoı.
Sıqyrshy: Ol úshin sender meniń úsh shartymdy oryndaısyńdar.
Tárbıeshi: Ol qandaı shart?
Sıqyrshy: Birinshi shartym men jumbaq jasyram, sol jumbaqtyń sheshýin tabasyńdar. Kelistikpe?
Tárbıeshi: Jaraıdy.
Sıqyrshy kókónister týraly jumbaqtar jasyrady.
Balalar jumbaqtyń sheshýin tabady.
Sıqyrshy: Balalar, ekinshi shartym. Sender kúz týraly taqpaq bilesińderme?
Aıerke men Meırambek kúz týraly taqpaqtaryn aıtady.
Sıqyrshy: Sońǵy shartym maǵan kúz týraly án aıtyp berińder?
Balalar: «Kúz jomart» ánin oryndap beredi.
Sıqyrshy sandyqty ashady.
Tárbıeshi:- Alaqaı kúzgi sandyq ashyldy. İshinde ne bar eken. Qandaı tamasha sıqyrly baqshanyń kókónisteri bar eken. Atrıbýttardy alady. Qazir bizdiń balalarymyz «Kókónister daýy» ertegisin sahnalap beredi.

«Kókónister daýy» ertegisi.
Baqshashy: Ónim bıyl tamasha! Kóz toımaıdy qarasa: Sábiz, kartop, kádish pen qyp - qyzyl pisken qyzanaq, qyryqqabatqa qarashy!
Tárbıeshi: Kókónister bir kezde jıyla qalyp daýlasty.
Kókónister:- Jınalyp qappyz bárimiz,
Qaısysymyz eń dámdimiz?
İshimizden adamǵa
Tıedi kóp paıdamyz?
Maqtanshaq burshaq ortaǵa júgirip shyqty.
Burshaq: Kishkene túımedeımin men
Unaımyn men bárine
Dámdi taǵamdarmen
Syı jasaımyn bárine
Tárbıeshi: Yzalanǵannan qyzylsha qyp - qyzyl bolyp ketti.
Qyzylsha: Men de bir sóz aıtaıyn
Maqtanaıyn sizderge
Mensiz borsh bolmaıdy
Vınegrete ústelde (Danıar)
Qyryqqabat: Maqtanǵannan ne paıda
Mensiz dámdi shı qaıda
Meni qossa samsaǵa
Jeıdi bári tamsana
Qıar: Dámim tildi úıirgen
Men tuzdalǵan kúıimde
Jańa pisken kezimde
Jeıdi bári súısine!
Qarbyz: Kim bilmeıdi shalqandy?
Talaılar maǵan tańǵaldy.
Bárine syı bolamyn.
Taýyp kór menen darhandy!
Sábiz:- Kim bar sábiz shyrynyn
Jastaıynan ishpegen?
Meni jegen adamdar
Kem bolmaıdy kúshke de!

Qyzanaq:- Pisken kezde qyzanaq;
Kóz tartar qyzyl túsimen.
Bar ma adam súısinbeı
Tomat shyrynyn ishpegen? (Móldir)

Pıaz: Bolamyn men dámdeýish,
Barlyq - barlyq taǵamǵa.
Kókónister ishinen
Men paıdaly adamǵa. (Meıirgúl)

Kartop:- Men uıalshaq kartoppyn
Men emespin maqtanar
Meni jaqsy kóredi
Úlkender men balalar!
Bos aıtysty qoıaıyq,
Daýlasýdy toqtataıyq. (Ilıas)

Kókónister:- Jınalyp qappyz bárimiz,
Qaısysymyz eń dámdimiz?
İshimizden adamǵa
Tıedi kóp paıdamyz?

Tárbıeshi: Kókónister bári de
Densaýlyqqa paıdaly
Muny jatqa bilińder,
Olardy jaqsy kórińder!
Balalar «Kókónister» bıimen aıaqtaıdy. Tárbıeshi sahnalyq qoıylymǵa qatysqan balalardy kórermendermen tanystyryp, madaqtaıdy.

Komýnaldyq memlekettik qazynalyq kásiporyn
№ 8 «Aqbota» shıpa - jaı tıpti bóbekjaı balabaqshasy
Eresek top tárbıeshisi Ýrazalına Gýlbaný Nasyrqyzy