InfoHub Logo

Maqsaty: Balalardyń tabıǵatqa degen súıispenshiligin arttyrý, ásemdikti kóre bilýge, tabıǵatty qorǵap aıalaýǵa úıretý. Balalarǵa qys týraly túsinik berý, qys mezgiliniń ereksheligin túsindirý. Balalardyń sózdik qoryn baıytý, tárbıeshini tyńdaı otyryp ózdiginen baılanystyra jaýap berýge jeteleý.
Damytýshylyǵy: Balalardyń tabıǵat jóninde oı - órisin damytý.
Tárbıeshiligi: Uıymshyldyqqa jáne ózara syılastyqqa tárbıeleý.

Shattyq sheńber.
Qaıyrly kún, kúnim, dalam, ormanym,
Qaıyrly kún, gúlim, qusym, kólderim.
Qaıyrly kún, ósimdikter, jándikter
Qaıyrly kún, bar tirshilik ıesi!

- Balalar qazir jyldyń qaı mezgili (qys)
- Qysta neshe aı bar? (jeltoqsan, qańtar, aqpan)
Tabıǵat degenimiz balalar ol bizdi aınalamyzdy qorshaǵan orta.
Tabıǵatqa neler jatady?
Slaıd qaraý.

Balalar, tabıǵat álemine ormanǵa saıahatqa barǵylaryń keleme?
- Árıne
Endi saıahatqa barý úshin meni tyńdańyzdar!
Psıho jattyǵý: Balalar denelerińdi tik ustap, bastaryńdy joǵary kóterip, yńǵaılanyp otyryńdar. Kózderińdi jumyp, tereń tynys alyp, taza aýany jutaıyq. (áýen "Tabıǵat úni")
Al endi kózderińdi ashyp, qandaı áser alǵandaryńdy aıtyńdarshy?
- Sýdyń, qustardyń, jańbyrdyń daýystaryn estidik.
Tárbıeshi:- Durys aıtasyńdar balalar, endeshe biz ormanǵa keldik.
- Jerde ne jatyr?(qar)
- Aýa raıy qandaı?(sýyq)
- Aınalaǵa qarańdarshy, ne kórip tursyńdar?(aǵashtardy)
- Aǵashtardyń japyraqtary bar ma? Nege?(Qysta aǵashtardyń japyraqtary bolmaıdy)
- Aǵashtardyń paıdasy bar ma?(olar aýany tazartady)
Balalar sýret tur, qarańdarshy.
Ormandy órtten qorǵaıyq. (sýret)
Balalar ormanǵa saıahatqa barǵanda ot jaǵýǵa bola ma, qalaı oılaısyńdar?
- Ormanǵa barǵanda ot jaǵýǵa bolmaıdy. Sebebi orman aǵashtary janyp ketedi. Ańdar kúıip qalady. Qustar men jándikterge zıan tıedi.
- Durys aıtasyńdar balalar, ormanǵa barǵanda ot jaǵýǵa bolmaıdy. Tabıǵatty qorǵaýymyz kerek.
- Balalar, tyńdańdarshy jylaǵan daýys estiledi? Bul kim eken?
Qoıan:- Sender kimsińder? Ormanda ne istep júrsińder?
Tárbıeshi: Bul 2 - sábıler tobynyń balalary. Biz ormanǵa saıahatqa keldik. Al sen nege jylap júrsiń
Qoıan: Maǵan dostarym hat jazyp jáne kezdesetin ornymyzdyń syzbasyn qaǵazǵa salyp berip jiberipti, men sol joldardyń bárin óttim, biraq men olardy taba almaı júrmin.
- Qoıan qane qaǵazyńdy qaraıyq sen júrgen joldaryńdy kórset. Balalar Qoıannyń ótken joldaryna belgi retinde qoıannyń sýretin jabystyraıyq jáne kimdermen kezdesetinin anyqtaıyq.
Japsyrý.
- Jaraısyńdar balalar, meniń kezdesetin dostarym sender ekensińder ǵoı, óte qýanyshtymyn. Balalar men jol júrip sharshap qaldym.
- Balalar qane onda Qoıanmen birge boıymyzdy sergitip alaıyq.

Sergitý sáti
Uzyn qulaq sur qoıan
Estip qalyp sybdyrdy,
Oıly - qyrly jerlermen
Ytqyp - ytqyp júgirdi.

Balalar qarańdarshy tabıǵat degen qandaı ádemi, balalar biz tabıǵat jaıly taqpaqtar bilemizbe?

Kún sáýlesi tógilgeni ádemi,
Alýan túrli qyzyl gúlder ádemi.
Syldyr qaqqan móldir sýda ádemi.
Bıik - bıik shyńdarym da ádemi.
Aıdyn kólde aqqý qandaı ádemi,
Suńqar qustyń samǵaǵany ádemi.
Dalany ánge bólegen qustarym qandaı ádemi,
Tabıǵatpen syrlasýda ádemi.
Jer – Anany aıalasań jan – tánińmen,
Bolasyńdar sender de, dúnıedegi eń ádemi!

Súıeıik, tabıǵatty aıalaıyq!
Biz de onan jaqsylyqty aıamaıyq!
Tabıǵattan nár alǵan ǵoı janymyz,
Usynaıyq júrek nuryn bárimiz.
- Balalar sendermen oıyn oınaǵym kelip tur.
Oıyn: "Óz úıińdi tap"
- Qoıan biz diń balalar saǵan arnap syılyq alyp keldi.
Qoıan;- Rahmet balalar qandaı bilimdi, aqyldy balalarsyńdar, men óte qýanyshtymyn. Senderdiń jasaǵan syılyqtaryńdy ormandaǵy dostaryma kórsetkenshe asyǵyp týrmyn. Mende dostaryma syılyq alyp keldim.

- Qoıan seni kórgenimizge bizde qýanyshtymyz, bizdiń topqa qaıtatyn ýaqytymyz boldy. Saý bol!
Topqa qaıtý.
Psıhojattyǵý: Balalar denelerińdi tik ustap, bastaryńdy joǵary kóterip, yńǵaılanyp otyryńdar. Kózderińdi jumyp, tereń tynys alyp, taza aýany jutaıyq. (áýen "Tabıǵat úni")

Qorytyndylaý, balalardy maqtaý madaqtaý.
Hormen:
Tabıǵat seni súıemiz,
Basymyzdy ıemiz!

Balabaqsha tárbıeshisi: Jarıeva Jaına Abylaıevna