InfoHub Logo

Bul trenıń ata - analarymen ótkiziledi.
Maqsaty: ata - ananyń bala tárbıeleýdegi oń psıhologıalyq kózqarasyn, balaǵa degen jaýapkershilik sezimin qalyptastyrý.
Qatysýshylar: ata - analar.
Qural - jabdyqtar: túrli - týsti qaǵaz, jelim, plakat.
Trenıń sabaqtyń mindeti: ata - ananyń balaǵa degen súıispenshiligin baıqaý; óziniń jáne ózgeniń daralyǵyn baǵalaý, ózin qurmetteý; kóńil - kúıdi kóterý, sezim men emosıany retteý.
Trenıń sabaqty ótkizýge
Trenıń barysy:
1. Sálemdesý rásimi
2. Suraq - jaýap «Madaqtaý - jazalaý»
3. «Januıa baqyty» jattyǵý.
4. «Sóılemdi aıaqta» ádistemesi.
5. Jattyǵý: «Tilek shamy».
6. «Sıqyrly júrek» oı - túıin
Bala – ata - ana ómiriniń jalǵasy. «Balamnyń tabanyna kirgen shóńge meniń mańdaıyma kirsin,» dep álpeshtep ósirgen perzenti aýyryp ne basqa bir qater tóngende moıyndaryna burshaǵyn salyp, «Ózimdi alyp, balamdy aman qaldyr!» dep qudaıǵa jalbarynǵan.
Ata - analardyń jastyǵy men bala tárbıesindegi tájirıbeniń joqtyǵy, bolmasa tárbıe jumystarynda tek qana óz oılary men kózqarastaryna ǵana júginýi nemese qajetti pedagogıkalyq bilimderiniń jetispeýshiligi saldarynan tárbıe prosesteri kóptegen qatelikterge ushyrap otyrady.
Sondyqtan da mektep ómirindegi ata - analardyń pedagogıkalyq bilimin jetildirý, mádenıetin arttyrý, bala tárbıesine belsene aralastyrý, sonyń nátıjesinde ata - anany balanyń alǵashqy ustazyna aınaldyrý maqsatynda uıymdastyrylatyn semınar trenıńterdiń mańyzy orasan zor.
Jattyǵý – «Tanysý», «Esimder alıterasıasy»
Nusqaý: Aldymen óz esimderińizdiń aldyna adamnyń boıynda bar jaqsy qasıettiń bireýin aıtyp, ózińiz týraly qysqasha málimet berýińiz kerek.
Mysaly: Men nurly – Nurgúlmin;
Men kórikti - Ásemmin;
Men daryndy – Dıdarmyn.
Suraq - jaýap: «Madaqtaý men jazalaý»
Maqsaty: Ata - ananyń balaǵa degen kóńil bólýin baıqaý.
Barysy: Qaǵazdy ekige bólip, bir jaǵyna balany maqtaý kezinde qoldanylatyn sózderdi,
al ekinshi jaǵyna, sógis jarıalaý kezinde qoldanylatyn sózderdi jazyńyz.
Qaı bólikte sózderdiń kóp bolǵandyǵy jaıynda saraptama jasalyp, ata - analarǵa qorytyndy jasaý usynylady.
Jattyǵý: «Januıa baqyty» jattyǵý.
Maqsaty: Ata - ananyń bala tárbıesindegi qarym - qatynasy týraly túsinikter berý arqyly ata - analardyń bilimin kóterýge kómektesý.
«Januıa baqyty» atty trenıńimizdi bastaıyq. Trenıńtiń sharty: «Baqytty januıa» modelin qurý. Iaǵnı, ata - ana óziniń otbasyn salý jáne otbasy baqytyn sýret arqyly kórsetip, sýrettiń jan jaǵyna otbasy sózderi arqyly jetkizý kerek.
“Sóılemdi aıaqta” ádistemesi.
- Men óz otbasymdy jaqsy kórem, sebebi....
- Otbasy bul....
- Otbasym baqytty bolý úshin....
- Otbasymda zorlyq - zombylyqqa jol joq, sebebi....
- Men qalar edim otbasymnyń....
Jattyǵý: «Tilek shamy».
Maqsaty: trenıń týraly pikirlerińizdi ortaǵa salý.
Qurmetti ata - analar! Biz sizdermen januıadaǵy ata - ana men bala arasyndaǵy qarym - qatynasyn túrli jaqtaryn tanýǵa, jan - jaqty talqylaýǵa tyrystyq. Otbasy, ushaq uıa - jylýlyqtyń mekeni. «Otbasy» ataýynyń mánine tereń úńiler bolsaq, ottyń da úlken mańyzy bar ekenin sezemiz. Sondyqtan ottyń basy, oshaǵymyzdyń tútini túzý bolýy úshin «Tilek shamy» jattyǵýyn bir - birimizge tilek aıta otyryp júrgizeıik. Bir - birimizge myna shamdy bere otyryp búgingi kezdesýden alǵan áserlerińizben bólisip, trenıń barysynda aıta almaı qalǵan oılaryńyz bolsa barlyǵyńyz da osy jerde aıtýlaryńyzdy suraımyn.
Oı - túıin: «Sıqyrly júrek»
Nusqaý: Bala tárbıeleýdegi júrek jylýyn aldaryńyzdaǵy júrek qaǵazdarǵa jazylý usynylady. Jaqsy sózder arqyly meırimdi júrekke aınalý qajet.