Atlah-talas shaıqasy
Qazaqstan jerinde qurylǵan ejelgi túrik memleketteriniń biri Túrgesh qaǵandyǵy edi. Túrgeshter, negizinen, Jetisýdy jaılaǵan. VIII ǵasyrdyń ortasynda Túrgesh memleketi ydyraý kezeńin bastan keshirdi. Alǵashynda osy sátti qarluqtar paıdalandy. Biraq túrgeshter men Jetisýdaǵy ózge túrki taıpalaryna qytaılar men arabtar da aıtarlyqtaı qater tóndirgen edi. 751 jyly Jetisýǵa shyǵystan Qytaıdyń Tan ımperıasy áskeri basa kóktep kirdi. Olar Túrgesh astanalarynyń biri - Sýıabty basyp alyp, qıratty. Osy kezde ońtústikten arabtar da joryq bastady. Osylaısha Jetisýda Qytaı men Arab halıfatynyń múddeleri toǵysty. Qytaı men arab áskerleri Talas ózeni alqabynda túrgeshterdiń shaǵyn qalasy Atlahtyń mańynda kezdesti. Eki jaqtan soǵys maıdanyna 100 myńnan jaýynger qatysty. Bes kúnge sozylǵan uly shaıqastyń taǵdyryn qarluqtar sheshti. Soǵystyń sheshýshi kezeńinde olar kóterilis jasap, qytaılarǵa qarsy shyqty. Qıan-keski shaıqasta arabtar jeńiske jetti.
Bul tarıhı jeńis boldy. Óıtkeni osy shaıqastan soń talaı júz jylǵa deıin Qytaı basyp almaq oıynan túńile bas tartty. Arabtar bul jerde uzaq turaqtaı almady. Shamaly ýaqyttan soń olar Jetisý jerinen ketip, túrik taıpalary qaıtadan osy jerdiń ıesine aınaldy.
You Might Also Like
-
Halqymyzdyń ulttyq kıimderiniń túrleri óte kóp. Keń baıtaq dalamyzdyń tabıǵatyna, aýa raıyna baılanysty kıim túrlerinde de erekshelikter bar.
-
Ósimdikter kóp ósirilgen jerde siz op-ońaı tynys alýǵa bolatynyn baıqaýǵa bolady. Olar óz boılarynan bizge ottegi shyǵaryp qana qoımaı, adam aınalasyndaǵy qorshaǵan ortanyń bıoaýmaǵyn tazartady.
