InfoHub Logo

Ahmet Baıtursynovtyń osy bir maqalasy “Aıqap” jýrnalynda shyqqan bolatyn. Mán berip qarasyń munyń ózi osy “Aıqap” jýrnaly ókinishten shyqqanyn bilemiz. “Qazaqtyń ókpesi” degen maqalanyń ózi osy bir ókinshiten týyndap otyr. Qazaq sonda basqaǵa ókpelegenshe, nege ózine ókpelemeıdi degen suraq basty másele. 

Ahmet Baıtursynovta osy  maqalany jazý barysynda, kúlli qazaq halqynyń ókinishin jazyp otyrǵany bilinedi. Keıbiri buny halyqqa qarsy jazylǵan dep eseptese, qatty qateleskeni dep bilemin. Sebebi, munda Ahmet Baıtursynov halyqyna jany ashyp, kúıinip jazǵan. Basqa jurttar óz aldyna jaqsy jaqa qaraı ózgerip, ilgeri basyp jatsa, qazaqtar bir-birine ókpeleýmen keri tartyp jatqanyn kóremiz. Biri-birimen daýlasyp, óz aldyna han bolyp júrgen. Al nadan han tek artqa tartady. Myqty han bolsa eliniń bolashaǵy da myqty memleket bolary anyq. Halyqtyń nadandyǵy men jalqaýlyǵy kóp nárseni kórsetedi. Biraq qashanda adam ózin emes, bireýdi kinálaýǵa daıyn turady emes pe?! Ózderi mujyqtarǵa jalǵa berip, ózderine jaqyndatqanyna qaramastan, basqaǵa ókpeleıdi. Osynyń bári qara halyqtyń saýatsyzdyǵy men nadandyǵynda.  Eger oqyp, bilim alǵanda aq pen qarany ajyrata bilgende osynyń biri de bolmas edi dep oılaımyn. Qarańǵylyqtyń  astynda qalyp ketken qara halyq árdaıym kináni basqadan izdegen. Sońyna kelip, ókingenshe basynda nege oılanbady eken deımiz, sońynda ókingennen, ókpelegennen ne paıda?! Birinshi ózińe renjip ókpelemeseń, basqaǵa ókpelegennen esh paıda joq! Maqalanyń ishine tereń úńilsek, biraz nárseni bilemiz, birazyna qapalanamyz. Ózimizge bir oı túıemiz, oqyǵan adam ǵana kózi ashyq bolatynyna senemiz!

Zınadýllaqyzy Nuraı

---